Popular Bible Verses from MARKUS 14

Share

”Ama!” saur-Na, ”Ama! Kangge Ama mah teu aya anu mustahil. Candak ieu lumur kasangsaraan teh ti Abdi. Nanging ulah numutkeun kahoyong Abdi, kedah kumaha pangersa Ama bae.”

Saur-Na deui ka tiluanana, ”Kudu terus nyaring, neneda menta ulah keuna ku panggoda. Maraneh ari jiwa mah sumanget tapi badan lahir hengker.”

Sing percaya ka ieu ucapan Kami: Di mana bae Injil diwawarkeun di sakuliah dunya, kahadean ieu awewe ka Kami geus tangtu bakal dicaritakeun pikeun pangeling-eling ka manehna.”

tuluy ngalahir ka maranehna, ”Hate Kami nalangsa taya papadana, nepi ka asa remuk. Daragoan di dieu, jeung sing terus nyaring.”

Tengah-tengah tuang Yesus nyandak roti hiji. Sanggeus muji sukur, rotina ku Anjeunna disemplekan tuluy diasongkeun ka murid-murid. ”Ieu tampanan, dahar,” saur-Na, ”ieu teh daging awak Kami.”

Ti dinya Anjeunna nyandak lumur anggur. Sanggeus muji sukur, lumur diasongkeun ka murid-murid, tuluy diarinum. ”Ieu teh getih Kami,” saur Yesus, ”anu dikucurkeun pikeun jalma rea. Ieu getih Kami teh neguhkeun perjangjian Allah.

Yesus nyarios ka murid-murid, ”Peuting ieu keneh maraneh bakal kalabur ti Kami. Sabab ceuk Kitab Suci, ’Eta pangangon teh bakal tiwas ku Allah, baris dipaehan, dombana disina paburisat.’

Geura harudang, urang indit. Tenjo, anu rek ngahianat ka Kami teh geus datang!”

Waler Yesus ka Petrus, ”Kami ngingetan, peuting ieu memeh hayam kongkorongok dua kali, geus tilu kali maneh bakal nyebut teu wawuh ka Kami.”