Popular Bible Verses from MATEUS 27

Share

Kira-kira pukul tilu Yesus ngajerit tarik, ”Eli, Eli, lama sabahtani?” hartina: ”Nun Allah sim kuring, Allah sim kuring, ku naon nu mawi ngantunkeun?”

Bareng jeung pupus-Na, reregan Bait Allah bedah dua ti luhur ka handap. Bumi ngariyeg, batu-batu karang bareulah, kuburan-kuburan maruka, umat Allah anu geus paraeh harudang harirup deui

Yesus ngajerit deui tarik pisan, geus kitu les pupus.

Kapala pasukan jeung serdadu-serdadu jaga, narenjo lini kitu deui kajadian-kajadian sejenna, kacida sarieuneunana, sarta ngaromong kieu, ”Saestuna eta jelema teh Putra Allah!”

Waktu geus tengah poe, sakuliah nagri ngadak-ngadak jadi poek, tilu jam lilana.

”Ari Yesus anu disebut Kristus kumahakeun?” Pilatus mariksa. ”Gantung!” tembal jalma rea. Pilatus mariksa deui, ”Naon kajahatana-Na?” Jalma rea kalah ka tinggorowok patarik-tarik, ”Gantung!”