Popular Bible Verses from Los HECHOS de los apóstoles 9

Share

Quiaj tasaj nej Teat Jesús: ―Quiür, cos aaga naxey quiaj lanarriiüd marang xenajiüt. Nej apmamb mandeac xic wüx tiül palpálwüx nipilan, at niüng ajlüyiw minatangüw monajiüt, at tiül micual iüt Israel aton.

Quiaj tajmiüc a Saulo. Condom tanguiay andeac nop nendeac, tapiüng: ―Saulo, Saulo ¿neol tapots meyamb ximbas mejcüy mejaw xique? ―aw. Nej, quiaj tapiüng: ―¿Jan ic teat? ―aw. Quiaj tasaj nej aaga nendeac quiaj: ―Xique aaga Jesús, leaw ique tenguial meyamb ombas mejcüy mejaw. Ngo majneaj mejcüy, cos andüy miün wüx imbas irang memongoch ngo majneaj, atnej nop jayats wacüx wüx atoel, quiaj atileran ―aj nej.

Quiaj tamb a Ananías andüy tiül aaga nden niüng axood Saulo. Wüx tapeay quiaj, tayac owix wüx omal a Saulo. Tasaj: ―Teat Saulo, aaga Teat Jesús tejüiquichay mejaw tiül tiiüd wüx tewiün, nej nesaj xic niün nüüch ram iniiüg alinomb. Aton aliüc Nangaj Espíritu ocueaj Teat Dios majlüy wüx imbas ―aj. Andǘüban ajmiüc imiün teoniiüg nej atnej milil cüet. Quiaj rat oniiüg nej a Saulo. Condom quiaj witiüt, tamb mayar yow.