Popular Bible Verses from Osọha lẹ 13

Share

Kalẹbi bo sọ hògbèdonùna gbẹtọ lẹ lọ to Moṣe nukọn, bo dọmọ, Mì gbọ mí ni hẹji yì hadopo, bo tindo e; na mí tin dagbedagbe sọgan nado glo e.

Podọ mí sọ mọ Nẹfilimi lọ fìnẹ, visunnu Anaki tọn lẹ lọ, he sọn Nẹflimi mẹ wá: mìwlẹ bo sọ tin to nukun mí lọsu tọn mẹ di agbònọpatin lẹ, podọ mọwẹ mí bo sọ te to nukun yetọn mẹ.

Ṣigba omẹ he yì po e po lẹ lọ dọmọ, Mí ma tin sọgan nado hẹji yì gbẹtọ lẹ lọ ji gba; na yé yín huhlọnnọ hú mí.

Yé bo sọ hẹn ogbèdido ylankan aigba he yé ko bèpọn lọ tọn de wá jẹ ovi Islaeli tọn lẹ lọ de, dọmọ, Aigba lọ, ehe mẹ mí ko yí nado bèpón ẹn, yín aigba de he nọ dù tòmẹnu etọn lẹ lọ; podọ gbẹtọ he mí mọ to e mẹ lẹpo yín omẹ he klo bo tónalun.

Yé sọ dọ nẹ, bo dọmọ, Mí wá jẹ aigba lọ ji fie hiẹ do mí hlan, podọ nugbonugbo é yi oyìnmó po owín po do to sisà; ehe bo sọ wẹ sinsẹ́n e tọn lọ.

Ṣigba gbẹtọ he nọnó aigba lọ mẹ lẹ lọ yín huhlọnnọ, podọ tòdaho lẹ lọ odòkọnọ wẹ, bo sọ klo talala: podọ humọ mí mọ ovi Anaki tọn lẹ lọ to finẹ.

Amalẹki nọnọ̀ aigba huwaji tọn lọ mẹ: podọ Hitinu lọ, po Jẹbusinu lọ po, po Amolinu lọ po, nọnọ̀ osé lẹ lọ mẹ: podọ Kananinu lọ nọnọ̀ ohù lọ dali, podọ to agbègbèji awà Jọdani tọn lọ dali.

Yé bo sọ yì bo wá Moṣe de, po Aalọn po de, podọ to agùn ovi Islaeli tọn lẹ lọ tọn lẹpo de, jẹ zùngbo Palani tọn lọ mẹ, to Kadẹsi; bo hẹn ohó gò wá jẹ yé de, podọ jẹ agùn lọ lẹpo de, bo do sinsẹ́n aigba lọ tọn lọ hia yé.