Popular Bible Verses from MATIU 19

Share

Jesu pinpọ́n yé, dọ hlan ye, dọmọ, Gbẹto de wẹ ehe yín giglo, ṣigba to Jiwheyẹwhe de onú lẹpo wẹ wiwà.

Sọmọ yé ma sọ yín omẹ awe ba gba, adavo agbasalan dopo. Enẹwutu, onú he Jiwheyẹwhe kòndopọ mì dìke gbẹtọ klán ẹn blo.

E sọ gblọn bo dọmọ Be mìwlẹ ma ko hia, dọ mẹhe da ye to whéwhéwhenu, da yé asú po asi po? E sọ dọmọ, 1 Na ehe tọn wẹ sunnu na jo otọ po onọ etọn po dai, bo na sẹbọ do asi etọn de: yé omẹ awe lẹ nasọ lezun agbasalan dopo.

Ṣigba Jesu dọmọ, Mì jo yọpọvu lẹ do, mì sọ glọnali na yé nado wá dẽ blo, na omẹ mọ hunkọ lẹ tọn wẹ ahọludu olọn tọn.

Ṣigba omẹ susu he yín nukọn tọ na yín godotọ podọ godotọ lẹ wẹ tintan.

Mẹdepope he ko sọ jo owhé dai, kavi mẹmẹsunnu, kavi mẹmẹyọnnu, kavi otọ́, kavi onọ, kavi asi, kavi ovi, kavi aigba, na oyín ṣie tọn wutu, na mọyí do gbesusuji, yé na sọ dugú ogbẹ̀ madopodo tọn.

Jesu sọ dọ hlan ẹn dọmọ, Eyín hiẹ jlo na yín pipé, yì, sà onu he hiẹ tindo, bo yína wamọnọ lẹ, hiẹ nasọ tindo adọkunnú to olọn mẹ: bo wá bo to hihodo mi.

E sọ dọ hlan ẹn, dọmọ, Etẹwutu wẹ hiẹ ylọ mi dagbe? Mẹdagbe de ma tin, adavo omẹ dopo, enẹ wẹ Jiwheyẹwhe: ṣigba eyín hiẹ jlo na biọ ogbẹ̀ mẹ, yìn osén lẹ.

Yẹn sọ vò dọ hlan mì, E bọawú na kanklosọ-póawenọ de nado gbọn nuvo yẹnvi tọn mẹyì, hú na adọkunnọ nado biọ ahọludu Jiwheyẹwhe tọn mẹ.

Podọ Yẹn sọ dọ hlan, mì, 2 Mẹdepope he na jo asi etọn dai, adavo na owhèhó ogalilọ tọn, bo sọ wlealọ hẹ devo, é dẹayò: podọ ewọ he wlealọ hẹ ẹ whenuena yè gbẹ́ ẹ dai, é deayò.

H Jesu sọ dọ hlan nuplọntọ etọn lẹ, dọmọ, Nugbo wẹ yẹn dọ hlan mì, E sinyẹnawú na adọkunno nado biọ ahọludu olọn tọn mẹ.