Popular Bible Verses from MATIU 10

Share

Mì pọ́n, yẹn do mì hlan di lẹngbọ do ohla ṣẹnṣẹn: enẹwutu na mì ni yọnnuin di odàn, bo sọ do jijọmimiọn di apoe.

Ewọ he do alindọn etọn ai, na hẹn ẹn bú: podọ ewọ he hẹn alindọn etọn bú, na ṣie tọn wutu, na mọ ẹn sọ́.

Mì dibúsi yé he nọ hù agbasa, ṣigba bọ yé ma sọgan hù gbigbọ blo: ṣigba mì kúkú dibusi ewọ he sọgan hù agbasa po gbigbọ po súdo to olọnzo mẹ.

Mẹhe ma sọ zé satin etọn, bo hodo mi, é ma jẹ na mi.

Enẹwutu mẹdepope he yigbè ṣie to gbẹtọ le nukọn, ewọ wẹ yẹn na yigbè etọn ga to Otọ́ ṣie he tin to olọn mẹ nukon. Ṣigba mẹdepope he món mi to gbẹtọ lẹ nukọn, ewọ wẹ yẹn na mon to Otọ́ ṣie he tin to olọn mẹ nukọn ga.

Mì hẹnazọ̀ngbọna azọ̀ntọ lẹ, mì nọ fọ́n oṣìọ lẹ do ogbọ̀, mì sọ hẹn pòtọnọ lẹ zùn wiwé, mì ni nọ yàn aovi lẹ jẹgbonu: vọnu wẹ mì mọyí, vọnu wẹ mì ni na omẹ.

Enẹwutu mì dibú blo, mìwlẹ doale hú oblẹnọ susu.

Mì lẹn do yen wá nado do jijọho hlan aigba ji blo: yẹn ma wà nado do jijọho hlan gba, adavo ohi.