Popular Bible Verses from JẸLEMIA 7

Share

Na yẹn ma dọhó hlan otọ́ mitọn lẹ kavi degbèna yé to azán he gbè yẹn hẹn yé tón sọn aigba Egipti tọn mẹ, gbọn avọ́ nunina mimẹ̀ lẹ kavi avọ̀ lẹ tọn dali gba: Ṣigba onú he wẹ yẹn degbèna yé dọmọ, Mì nọ tuntóai hlan ogbè ṣie, yẹn na sọ yín Jiwheyẹwhe mitọn, míwlẹ na sọ yín omẹ ṣie lẹ: mì bo sọ nọ zinzọnlin to aliho ṣie lẹpo mẹ he yẹn degbèna mì, na é nido yín dagbe to mì de.

Ṣigba yé ma tuntóai kavi dotó yetọn ai gba, ṣigba to zọnlinzin to hónamẹ yetọn titi lẹ mẹ podọ to otasinyẹn ayiha ylankan yetọn tọn mẹ, bo sọ to godogọyì nukọnyì ma gba.

Na eyín mìwlẹ jla aliho mitọn lẹ do mlenmlẹn po wiwà mitọn lẹ po; eyín mìwlẹ hẹn whẹ̀dida sọ mlẹnmlẹn to omẹ de po kọmenu etọn po ṣẹnṣẹn; eyín mìwlẹ ma bianukunna ojonọ, otósiọvi, po asusiọsi po, bo ma sọ kòn ohùn homẹvọnọ to oten he me, bo ma sọ zinzọnlin hodo yẹwhe dẽvo le hlan awugble mitọn titi gba: whenenu wẹ yẹn na hẹn mì nado nò otẹn he mẹ, to aigba he yẹn ko na hlan otò mitọn lẹ mẹ, sọn hóhówhenu yèdo kakadoidoi

Le we OKLUNỌ awhànpa lẹ tọn dọ, Jiwheyẹwhe Islaeli tọn, Mì vò aliho mitọn lẹ jlado po wiwà mitọn lẹ po, Yẹn na sọ hẹn mì nò otẹn he mẹ.