Popular Bible Verses from DANIẸLI 2

Share

Danieli sọ gblọn bo dọmọ, Donanọ oyín Jiwheyẹwhe tọn ni yín kakadoidoi, na etọn wẹ nuyọnẹn po hlọnhlọn po yín: podọ e sọ nọ diọ ojlẹ le po osã lẹ po: e nọ dìotenna ahọlu lẹ sẹ̀, bo sọ nọ zé ahọlu lẹ daga: é no na nuyọnen hlan nuyọnentọ lẹ, po oyonẹn po hlan yé he yọ́n wuntùntùn. E nọ dè onú sisosiso po aṣli po hia: ewọ yọ́n núhe tin to zinvlu mẹ, podọ é de wẹ hinhọ́n sọ nọ nọ̀.

Daniẹli sọ gblọn to ahọlu nukọn, bo dọmọ, Asli he ahọlu ko biọ, omẹ nuyọnẹntọ lẹ, afinọnnọ lẹ, nújlẹtọ lẹ de, kavi odọṣẹnọ lẹ ma tle sọgan dohia hlan ahọlu gba; ṣigba Jiwheyẹwhe de tin to olọn mẹ he nọ dè aṣli lẹ hia, podọ ewọ ko sọ hẹn núhe na tin to azán godotọn lẹ mẹ zùn yinyọnẹn hlan Nẹbukadnẹzali, Odlọ towe, po numimọ ota towe tọn lẹ po to adọzàn, towẹ ji wẹ ehelẹ

Podọ to azán ahọlu nẹlẹ tọn lẹ mẹ wẹ Jiwheyẹwhe olọn tọn na zé ahọludu de daga, he ma na yín vivà gbède, mọ yè ma na jó ahọludu etọn dai hlan gbẹtọ devo lẹ gba; ṣigba é na gbà ahọludu do flinflin bo sú ahọludu he lẹpo do, ewọ bo na sọ nọte kakadoi.