Popular Bible Verses from Titus 3

Share

Anu bhaf wanu mkair feto, mamo snok mam ayõ ro Allah yerif boatmof rAit kʼanu. Ait yatmof anu. Tna Ait yamo Raa Sotak ranu. Bi Ait yoo riof yee kʼanu. Anu tiwya bno bo moof kʼAit wia fee. Bi Ait ksoh rAit sai oh mi Ait yatmof anu. Ait yyon iro wanu mkah Har rAit. Tna Har rAit mno anu brok boof. Anu bfi ku rAit ro Har rAit msair mkah bhaf ro moof. Anu bfi ku mees ro fnya mabe tna. Allah yno bo mninon kʼanu. Ait ybis Yesus Kristus, Raa Sotak ranu yama. Yesus Kristus sotak anu, tibyo Allah yoo Har rAit yse kʼanu. Anu raa ro bno bo mkair menohe Ait yatmof anu yawe anu bfi ku wAit ro wase mber safo. Yno feto afo re anu bmo ku wAit. Afo re anu binaut bwe kbe ysan roon ro hame kʼanu.

Titus; nbis raa jemaat reto nawe, “Nri pemerintah msya raa mase ro mbo anu mam tabam refo. Nno bo ro ana mawe. Nhau siwyan re nsen nno bombra ro moof. Mbat-bat raa ma. Ngko-ngkat anya ma. Niranya nsya raa mkah nhaf ro sneh sai.”

Raa taro hre santri bo ro mafer marak, mfi bokyas mair ro raa mabe ana ( silsilah ). Tna raa taro hre mkyas agama Yahudi msya Watum ro Musa ykom. Bokyas rana reto mno raa saso-sasa tna mno raa mmak. Nri bokyas rana reto ma. Bokyas reto mafer marak-arak sai.

Soh raa jemaat aro yisti bo re raa brir-brar mam jemaat to, bhah ait. Bhah ait muhrin sau snok ro mun ewok to. Tna soh ait yari bo ro nyõ nkyas fee, nawe wa raa ro Kristen me miranya msya ait ma.