Popular Bible Verses from Roma 4

Share

Bo ro Allah yawe to, Abraham ynaut maut-mroh fee. Bosmot rait mo matak renti. Bo reto mabo fefares Abraham ybaut bo yase ro Allah rAit. Ait yhar yawe Allah yatak yno bo ro Ait yawe reto mabo.

Mam bokom ro Allah, Ait yawe kʼAbraham yawe, “Jõ tno re raa mana mawat aro u kbe mawe, ‘Abraham tait bja ranu.’” Kejadian 17:5 Tna bo ro Allah yawe reto Abraham ynaut mamo-me fee. Ait yhar yawe Allah tait Raa ro yno raa ro mhai to, mrok masen. Tna Allah yhar bombra beta ro marak fares, tibyo ykyas raa ro ysair fefares ye.

Anu bno iro. Menohe Allah sikowah anu fee. Ait ysan Yesus yawe Ait raa sikowah tna mame riryõn. Yno feto yake anu ro bno iro mkah yetsu rAit. Tna Allah yno Yesus yrok yasen re kbe yerif yawe bo ro Yesus yno to, mnan si oh. Yno re kbe Allah ymat anu yawe anu to, bfi raa ro mhaf moof ati to.

Abraham tait yabi oh ati ro Allah yawe kʼait to yawe, “Meen nyõ kube wonyõ to msis-sas. Kbe ana rembes mamo raa mana mawat aro u.” Kejadian 15:5 Bo ro Allah yawe reto to, Abraham ynaut maut-mroh fee. Yhar yawe bo ro Allah yawe yno to, kbe mabo tu oh. Abraham umur 100 tahun bo feto oh. Menohe bosmot (iman) rait mroh fee. Ait yhar yawe yetsu rait saf-safo u fee. Tna yfain Sara to, mhaf ku rau to msyit oh. Menohe yinaut sai yawe kbe ana mabe ku.

Feto to Allah yawe raa mrok mhaf moof ati mkah bo mamo mam iso ro bosmot (iman) . Ait ksoh rAit sai yuumto haf ro moof kʼanu feto. Iso reto Ait yuumto bo kʼraa ro Yahudi mesait kar fee. Yuumto bo kʼawya-awa sai ro smot Allah ynan fi tiwya Abraham smot Allah feto. Kbe yuumto bouum reto tu oh. Tna Abraham tait anu bja ranu beta.

“Raa taro to, ana miwer Watum ro Musa menohe Allah skur re ana masom iro weto u fee. Tna iro ro ana mno to, Allah yyon beta. Allah yno bo moof kʼana weto oh. Safo mana wana to, Allah ymit kʼana fee. Allah yno bo moof kʼana weto oh.” Mazmur 32:1-2

Bokom ro Allah mawe fefo: “Bo ro Allah ykyas kʼAbraham reto to, ait yari tna smot (percaya). Smot yawe bo ro Allah yawe reto to meen mabo. Au oh mi Allah yawe Abraham tait raa ro yhaf moof ati.” Kejadian 15:6