Popular Bible Verses from Roma 12

Share

Ja raa ro tabam refo tko anu kro iso rana su. Nri ana ma! Kaket anu yoyo re kro iso ro tabam refo ma. Menohe nsan nkit msya bonaut wanu to beta kʼAllah yoyo. Nsan kʼAit to, kbe yno bonaut wanu weto to, haberek mrok moof renti. Tibyo kbe nhar bo nno bo mnan si Ait yhaf, srau mato rAit to: Au oh mi anu nhar bo bawya ro Ait yawe moof to. Kbe anu nhar bo bawya ro Ait yhaf ksoh. Kbe anu nhar bo bawya ro moof toni syok.

Taja, tme, tao, tano na; Allah yatmof anu toni. Feto oh mi anu ro nkit maan to, nno bo bawya? Allah yatmof anu feto tibyo jõ sobu anu tawe noo nhaf, srau wanu bo beta nsan kʼAllah ybo. Anu raa wAit to, nhau nno bo wAit sai. Noo nhaf, srau wanu nsan kʼAit fefo fo tna nhau nno bo wAit to, kbe Ait yhaf mnan anu. Tna anu nbaut Allah oh meto ye.

Tna ninaut nwe bombra ro Allah yawe kʼanu to meen mabo. Bo weto oh mi anu simaut mase. Mam wore bo ro samyoh mai kʼanu to, kanyin nsom sai oh. Tna beroh nros skabuk yoyo ye.

Nno ma be bo ro raa mno mkair to, miwro anu re kbe anu nno safo ye. Rau ro moof to, beroh nno bo ro moof. Feto kbe tis rau to safo mroh mam mte. Tna bo ro moof to, mros abyõ matak.

Nhafri anya mnan fi ja raa hafri mao mano na wana. Tna nmat anya to kaket ye. Nmat anya mnan fi ana fo raa ro ati miwer nyõ.

Nhafri raa anya to kaket. Nno mkah wan-wan to ma. Tna nsok bo ro nwe moof to kaket. Bo ro mkair-kar to, beak fari. Bo ro moof to, nbo nno.

Tna nmak nsya raa roto to ma. Saso niranya nsya raa beta. Menohe soh raa aro kmo fares tna hawe me miranya msya anu su to, mhau oh. Kbe anu nisoh iranya reto fyi?

Tafoh na wojõ; raa ro mno bo mai kʼanu to, anu nesait ska bo to ma. Mhau kbe Allah kmo ana tna yoo safo mana ymit kʼana weto. Bokom ro Allah mawe: “Jõ oh mi ska bo tna tno bo ro samyoh mai to. Bo woJõ kbe tno.” Ulangan 32:35

Hawe boh to ma! Nno bo ro Tuhan rAit to nno mur-mur mkah nhaf myoh.

Allah tubat jõ tamo raabis rAit. Tibyo ybis jõ yawe tamo tkyas watum rAit fo kʼanu beta. Tawe anu to yok-yok anu toni to ma. Anu smot Kristus tibyo Allah yuumto bouum (karunia) kʼanu oh. Bouum weto Allah ynit kaket saim kʼanu raa sait-sait tna kʼfnya sau-sau feto. Bo ro anu nhar nno kaket to, bouum ro mbam kʼAllah mama. Feto to yok-yok anu toni to ma.

Tna soh raa aro mno bo mkair mai kʼanu to, nno bo ska si to ma. Nhau nno bo ro raa beta mnaut mawe moof.

Nhau nhaf sau su nsya anya. Nnaut nwe anu raa ro nse niwrek raa taro to ma. Niranya nsya raa kinyah. Nnaut nwe anu nhar bo niwer raa taro to ma.

Anu nesait ska bo to ma. Menohe nno bo ro moof kʼraa ro mhoh byoh kʼanu. Bokom ro Allah mawe: “Raa ro mamo byoh kʼanu to, soh ana mhai sre to, noo boit nee kʼana mait. Tna soh mhai sbit to, noo aya nee kʼana mata. Soh anu nno feto to, kbe ana hrenaut.” Amos 25:21-22

Wore raa mno bo mai kʼanu to, skabuk Allah re yno bo moof aro kʼana. Nwe kbe ayoh mroh mai ana to ma. Wore raa simaut mase to, simaut su nsya ana ye. Tna mam wore raa sraujin tna mawia to, hre nwia su nsya ana ye.

Soh anu nmat raa ro Allah wAit tna bo ro ana mse aro mabut to, noo bo nee kʼana. Tna nitrah amah wanu kʼraa ye.

Bouum weto mnan fi raa yetsu rait. Raa yetsu rait to sau aran sai. Menohe yatem oo, yaa oo, yana bo to mrat mam yetsu rait reto. Tna yetsu haber rau to aro hayah-hayah. Tna haber makin weto to, ja mno bo rau hayah-hayah ye. Feto to anu ye. Anu ro kro Kristus to bsis bia. Menohe anu beta bsya anya bhau su. Mnan fi anu fo betsu sau aran tna anu haber anya. Anu bnah su tna bnaut raa anya ye.