Popular Bible Verses from Wahyu 22

Share

Jõ fi Raa ro tinyi, tibyo Jõ tasom aJõ to ‘Alfa’. Tna Jõ fi Raa ro ttis ye, tibyo Jõ tasom aJõ to ‘Omega’ ye.”

Tna Yesus yawe, “Nri kaket: Jõ tama fooh oh mefo! Jõ takah boren raa tama taren raa. Kbe taren raa sait-sait mamyot si bo ro raa retait tiwya yno-yno.

Tna Har ro Tuhan msya fai ro Yesus ymen to, mbewok mawe kʼYesus mawe: “Nama oh!” Tna awya ro yari watum refo to yawe: “Esre, nama oh!” Awya ro yhai sbit to yama sai. Tna awya sai ro ksoh yama yoo aya ro moof baro yata to, yama ye. Kbe yoo mkah pitis aro fee. Yoo sai. Aya refo mno re raa mhau hame wajin.

Yesus yawe, “Raa ro myon ratan wana ro mkair re mrok mboh to, kbe simaut mase. Ana weto kbe mait kake ro mno re raa mhau hame wajin to. Tna kbe ana mamo twok mam kota Yerusalem ye.

Tna Yesus yawe, “Nri oh! Kene wo Jõ tama oh! Awya ro yari watum ro aam refo tna ybo yno to, kbe simaut mase.”

Kbe Tuhan Allah yesait yram kota reto yoyo. Tibyo raa ro mhau mam kota reto to wase mti. Ana wase bo lampu aro msya ayõ ro mafit ana fee. Tna kbe ana beta mamo raja mbo raa mamo snok hame wajin.

Yesus oh mi yawe bokyas mam aam refo beta to mabo tu. Tna yawe, “Esre, Jõ tama fooh mefo!” Tna Yohanes yawe, “Amin: Mabo oh! Tuhan Yesus; nama fooh!” Jõ skabuk afo re Tuhan Yesus ysan boatmof rAit kʼanu raa ro Allah wAit. Amin : Mabo oh.

Ro mari watum aam refo to, jõ tawe kʼanu tawe: “Kaket anu! Awya ro tkyõt aam refo maja rau baro renti to, kbe Allah kmo ait: Kbe yoo kair ro mase riwai raa mkyas mam aam refo weto beta to, bitsre mbtek mai kʼait. Tna awya sai ro yiruru watum ro aam refo maja rau baro makus to, kbe Allah yiruru boren ro yaren raa retait ye: Kbe bi Ait yawe ait retait yamo truk mam kota ro Allah rAit reto to fee ye. Tna yawe ait retait kbe yait kake ro mno re raa mhau hame wajin to fee ye. Boren raa weto to riwai raa mkyas mam aam refo.”