Popular Bible Verses from Wahyu 17

Share

Meen kak ro ja mban kabes reto msya raja mabo nsaa weto mamo mafa msya Domba Maku. Tna raa taro kro ati ro Domba Maku reto mafa ye. Raa weto tii Allah ysok tna mmen re ana mamo raa wAit. Ana weto mur-mur smot Ait; mhaf magin fee. Ait ro ynan fi Domba Maku reto to, Tuan ro yase. Ait yatak ybo tuan mbra taro sor. Ait tait Raja ro yatak ybo raja taro sor. Feto to ana mamo su mafa msya raa byoh to, tna kbe ana mros matak. Tna mno raa byoh weto mbtek tu oh!’”

Tna malaikat mabo trion krema ro mbo hawereh mkah Allah kmo wAit weto to, sau mawe kʼjõ mawe, “Nama, kbe Allah yno bo mai kʼwyah mabi ro hre abyõ mam aya mawat. Au mwyah toni tibyo Allah kmo. Nama nmat.

‘Kak ro ja mban kabes ro riwai nyõ nmat reto to, tiwya mhau mam tabam refo. Mfo wefo marak oh. Tna kak reto meen frok mbam sawro ro kabes ja mhau to, tna me mama mber tabam refo u. Mhau, tna majat. Kbe raa makin mmat kak reto tna ana taro mrok ktak. Raa ro mmat kak reto mrok ktak oh mi masom wana aro raa mkom mam aam ro Tuhan rAit fee. Aam refo masom rau to: “Raa ro Kbe Mhau Hame Wajin.” (Tiwya tinyi Allah yfen tabam refo to, aam reto raa mkom oh. Aam refo mkyas raa masom ro meen mhau hame wajin.)

Mam makit rau to, raa mkom som baro ro ja raa mti bomyõt fares kʼraa. Raa mkom: ‘Kota Babel ro Mase’ tna ‘fai au refo fo, ku wau ja mwyah.’ tna ‘Bombra ro mkair mam tabam refo to, beta frok mbam fai au refo.’