Popular Bible Verses from Ibrani 6

Share

Anu bhaf binaut bo ro meen mama kʼanu mbam Allah. Meen anu bhaf bse tu oh. Allah sorni bo fee saut. Bo ro yawe yno to, anu bbo matak. Soh anu bnaut bo moof weto to, kbe anu bros btak; susu fee. Bo moof weto to mnan si jangkar ro ja raa mbeak mam aya tna kapal reto mros matak. Yesus yban tis anu afo re anu bros btak ye. Ait yase re kbe yamo ykyas boyoh wanu kʼAllah. Ait yhau su ysya Allah. Yhau su ysya Allah ynan fi imam yase ro Yahudi. Tiwya soh imam retait yamo yo kʼAllah to, ait twok mam yuk ro mbau. Yesus fi yamo imam ranu ro yase, ynan Melkisedek. Yamo imam mamo snok mam hame wajin, meen yhai fee. Tna Yesus fi yamo wia yatim ykyas boyoh wanu kʼAllah.

Ati ro Allah ytu srah yari to, ja yno kaket. Tna kbe Ait ynaut bombra ro moof ja anu nno. Ja anu natmof raa wAit to. Tna Allah ynaut yawe nno feto to, mnan anya msya anu nno bo moof weto kʼAit yesait ye. Nno feto yhar yawe anu natmof Ait ye.

Ait ysi bosi ye. Tna Ait yto boto ye. Bo ewok weto to, kbe mhau bau. Allah wase bo sioh to. Anu ro bsam wai kʼAit oh to, anu bhaf binaut bwe bo ro Ait tiwya ysi kʼanu weto to, kbe yno tu oh. Bohar reto to mban anu tis, misoh anu bhaf wanu. Tibyo waa ma.

Watum ro Kristus, maja taro ro mnan-nan to, bo weto anu nhar oh. Feto nma, anu bkyas bokyas refo maja baro ro samyoh fares, re kbe anu brok btak. Watum rAit ro anu nhar oh mefo: -Nashana tna nno bo ro mkair to ma. Raa ro mno bo ro mkair to, kbe mkai riof to fee. -Smot Allah. -Raa baptis anu. -Nmo no kʼraabis ro Tuhan re ana moo matem mtor kʼanu abyõ tna skabuk anu. -Raa ro smot Yesus tna mhai to, kbe meen mrok masen. -Kbe meen Allah yoo safo mana ymit kʼraa. Tna bo ro yawe reto to, meen mabo yum. Tiwya raa mkyas bo weto beta kʼanu re nhar oh. Feto to nno bo mnan fi ku mees u to ma.