Popular Bible Verses from Galatia 5

Share

Menohe raa ro mari bo kʼHar ro Tuhan to, kbe ana weto mno bo moof mnan ara ro tufrok make moof. Make ro moof weto oh mefo: Ana matmof raa anya kaket, ana simaut mase yoyo mam mhaf, srau wana, mhaf mato wana to tnok, ana kanyin sai masom bo ro mai kʼana, mhaf ase, ja ana mno bo moof kʼraa roto, tna bo ro ana mawe mno ja krim-krim mno tu oh. Ana mhaf sneh, tna ja mbo metsu wana kaket tibyo mno bo nyi-nan fee. Raa ro ja mno bo ro moof weto to watum aro mno wa ana fee.

Tawe kʼanu tawe, “Soh anu nri Har ro Tuhan reto to, mno re kbe anu hawe bo nno bo ro asmamo to u.”

Har ro Tuhan mno re anu brok baam. Feto to nma, anu bri bo ro Har mawe.

Raa ro Kristus Yesus ybo weto to, ana masmamo u fee. Boasmamo ro tiwya ana mno weto to, ana moo mbeak mam ara warok makus oh.

Anu bhar bwe raa taro to mhaf wana mkair. Tna ana mari bo ro mhaf wana ro mkair weto to mbis ana. Tibyo ana mno iro mfi fefo: Ana taro maus-as bo. Taro srau oot-oot tibyo mno boasmamo, bo ro mti hrenaut. Taro smot bo ro tabam, tna taro mari mafot ro kabes re saso matak rana. Taro knait anya, taro mbait mamus anya, ana taro waa kbe raa safto bo ro ana mse, taro mbo kmo mam matem, taro ja saso masom rana, taro mno bo re raa mbrir-brar mam jemaat tna safto-safto ana. Tna taro maam bo raa, ana taro bisir-basar, tna makyõ bokyõ mnin-nin yoyo bo. Tawe kʼanu u tawe, “Raa ro ja mno bo mfi fefo to meen Allah yuumto bo kʼana fee. Ana meen mamo mhau mam sawro ro Allah yamo Raja ybo to fee ye.”

Taja, tme, tao, tano na; Allah ytu anu nmo no kʼAit. Tibyo bo aro make anu u fee. Menohe kaket anu re kbe nno iro to ma! Rau ro moof to, natmof raa anya. Tna nno bo moof kʼraa anya kaket.

Bo ro anu raa nksoh bno to hayah. Tna bo ro Har ro Tuhan nksoh mawe anu bno to hayah ye. Mbewok santri anya. Menohe Har ro Tuhan matak re ja anu bno bo mkair ro anu bhaf mbis anu bno to fee.

Au oh meto, bo ro Allah ysi beta, yawe anu bno to, maja weto beta to sau aran. Au oh mi: “Natmof raa anya kaket mfi bo ja anu natmof netsu wanu nesait ai.” Imamat 19:18

Feto to saso nsom re kbe raa bibi anu to ma. Ntoh anya to ma. Tna kmo anya to ma.

Kristus skur anu re bo aro matak make anu u fee. Kristus yno afo re anu nros kar oh! Feto to nros ntak oh! Nno be raa make anu mkah Watum ro Musa soh mfe bo roto to ma! Raa ro mari Watum ro Musa to masom bo fanes mnan fi sryan boh.