Popular Bible Verses from Galatia 2

Share

Thau mam tabam refo tesait thau kar fee. Kristus yamos rAit ysan kʼjõ. Feto to thau tno bo kar u fee. Kristus yamos rAit mjin mam jõ thaf ajõ. Thau mam tabam refo fo, thau smot Ku ro Allah yare. Safo ajõ to Allah ymit Ku rAit Kristus. Feto oh mi Kristus yajat raa mame mam ara warok. Reto mnan bo jõ tesait tajat raa mame su tsya Ait ye. Au oh meto Allah ymat jõ to, yawe yoo riof yee kʼjõ. Ku ro Allah yare tait yatmof jõ tna ysan yetsu rAit shauk jõ.

Jõ hawe bo haberek kro Watum ro Musa u. Maami jõ tiwana Allah boatmof rAit oh meto. Bo ro Yesus yno oh mi Allah ymat jõ tna yawe jõ tfi raa ro mhaf moof ati. Watum ro Musa to matak re misoh jõ thaf moof ati to fee. Mfi bo Watum reto matak mnan si maami tiwya Kristus ysan yetsu rAit fee!”

Tna tawe kʼPetrus tawe, “Nyõ nsya jõ fo, anu mbewok bbam biin raa mana ro Yahudi. Tibyo anu raa ro bhar Watum ro Musa nteet. Menohe raa ro mbam raa mana roto to, ana wase Watum reto. Feto to raa ro Yahudi, ja mnaut mawe raa mana roto weto beta to ‘raa ro mno iro’. Menohe anu ro kro Kristus oh bhar bwe, ‘Watum reto mtai mno raa mhaf mato moof ati to fee.’ Allah ymat raa ro mari Watum ro Musa ja mbo mno to, tna yawe ana weto to, raa ro mhaf moof ati to fee. Awya ro smot Kristus Yesus oh mi Allah ymat tna yawe ana weto raa ro mhaf moof ati to. Watum ro Musa reto matak meto fee. Tiwya, ati ro anu brok bhar bwe bo reto mabo to, anu bashana tna smot Kristus Yesus. Tna anu bsen kro Ait oh.