Popular Bible Verses from Efesus 3

Share

Tna nma anu bibi Allah! Bonaut wanu msya bo ro ja anu byoh kʼAit beta to, kbet aran. Tna Ait yatak rAit ro yse kʼanu to, ytai ybo yno bo miwer bo weto toni. Anu bmat Kristus Yesus ysya raa mkbair wAit to, bwe bibi Allah bwe bo yase wAit to msai toni. Bwe feto to, maban tiwya tinyi mamo snok mam hame wajin. Amin : Mabo oh!

Ait yse kta wAit ro msai toni. Tibyo jõ skabuk kʼAit tayoh re yoo yatak rAit baro yee kʼHar rAit mbo mam kʼanu nhaf mato re anu nros ntak. Au oh mi anu smot Kristus oh tibyo jõ tayoh re Allah yse Kristus yjin mam kʼanu nhaf wanu meto. Tna jõ tayoh kʼAllah re kbe anu nbo boatmof matak toni ye mfi bo amah sau mros abyõ mam sankaf wau ye tna ara mtis ja mno re ara matu fee ye. Anu nbo boatmof matak feto to, kbe anu nsya raa wAit beta to, ntai nhar boatmof ro Kristus kaket. Kbe anu nnit boatmof rAit reto, nwe miyõ wer tna maboh wer ye tna mase wer ye bo. Anu raa btak bhar boatmof rAit beta fefares. Menohe tayoh re Allah yno anu nhar boatmof reto kaket baro naut. Tna jõ tayoh re Allah yoo yhaf rAit yfau mam kʼanu nhaf mato ye snok anu nhaf mrok sau su msya Ait yhaf rAit ro matot toni.

Anu smot Yesus tibyo Allah ymat anu su bsya Ait oh mi anu btai bros bkyas bo kʼAllah tna waa Ait fee.