Popular Bible Verses from 2 Timotius 1

Share

Nnaut nwe Har ro Tuhan mno re anu waa ma. Har reto mno anu bros btak. Mno anu batmof raa anya ye. Tna mno anu bnaut anu re bno-na bo fee ye.

Ait oh mi yoo riof ro mase yee kʼanu tna ytu anu bmo raa wAit. Yawe anu bhau fares fo, bhau bno bo moof ro Ait ksoh. Bo ro bi Ait yno kʼanu wefo fo, anu bno bo moof kʼAit wia fee. Bi Ait ksoh rAit sai oh mi Ait yatmof anu. Tiwya tinyi yfen tabam refo fefares to, Ait yawe yatmof anu tibyo ybis Kristus Yesus yama.

Tii jõ too tatem ttor kʼnyõ abyõ to, skabuk nyõ. Tna Tuhan yoo bouum yuumto kʼnyõ. Nnaut bouum reto to, nsorni ma.

Feto to, nkyas Tuhan ranu yasom rAit to, kaket. Hrenaut ma! Jõ tkyas Tuhan Yesus yasom ye, tibyo raa mfot jõ. Tna jõ twok bui mam befo. Menohe saban jõ fo ma. Nsan nyõ to, nkro nno nfi jõ ye. Kbe anu mbewok bkyas Bokyas Moof ro Yesus (Injil) . Tna mkah Allah yatak rAit to, kbe anu mbewok bros bsom bo mkair-kar ro mai kʼanu ye.

Jõ tkyas Yesus yasom oh mi jõ tkai arin mkair refo. Menohe jõ saban ⌞thau mam bui refo⌟ fee. Jõ smot bi Ait. Tna thar tawe Ait yatak re kbe kmot Bokyas ro Ait yoo yee kʼjõ reto. Thar tawe Ait kbe kmot Bokyas rAit, maja rau ro ati reto. Kmot mamo snok mam ati ro tabam refo haberek u.