Popular Bible Verses from 2 Korintus 11

Share

Nrok tna ktak ma! Kabes yabi (Iblis) tait ja yamo wan-wan ye. Ait besruf raa tibyo raa taro mnaut mawe ait ynan fi malaikat ro moof sau. Yamo wan-wan haberek yfi malaikat ro moof. Feto to nrok tna ktak ma! Nnaut nwe soh kabes yabi ja besruf raa to, kbe raa ro mari ait ja mno feto ye fea! Ana mamo wan-wan ye. Kaket anu! Bokyas rana siroyõ-raya. Tis rau to, kbe Allah ymit bo kʼraa ro ja mno bo feto fea!

Menohe raa taro mama besruf anu. Jõ waa be kbe anu nri bo ro ana mawe tna anu nmo kro ana. (Mno mfi tiwya tinyi aban ro srau wer reto besruf Hawa mam armato ro Eden.) Nri ana ma. Anu nmo su nsya Kristus oh. Nros ntrot nsya Ait. Smot Ait yesait aran. Srau ewok ma.

Jõ tkyas bo weto beta afo re anu nri bo kʼjõ kaket ye. Tna nri bo ro guru weto mkyas ma. Jõ hawe bo tesait bibi jõ ai. Feto to, jõ safuk tkyas bo roto taro kʼraa. Tkyas bo ro ja mai jõ sai. Kbe anu nri bo wefo tna nhar nwe jõ tesait tatak fee.