Popular Bible Verses from 1 Yohanes 3

Share

Kukek wojõ; mfo refo anu bmo raa ro Kristen, tibyo anu bhar bo ro ati. Tna anu bbo bno bo ro ati ye. Anu ja nkyas nwe, “Ja amu natmof raa anya kaket.” Nkyas feto nkah nsoh wanu sai ma. Rau ro moof to, anu natmof raa anya tna nno bo ro moof kʼana ye. Nkyas nsoh sai ma.

Anu bno fyi re batmof raa anya kaket? Kristus yerif iso ro moof kʼanu: Ait ysan yetsu rAit, yawe yno bo re anu meen bhau hame wajin. Rau ro moof to, anu ye bno bo bawya sai afo re riof kʼraa Kristen anya ye.

Nnaut oh; Allah tait yawyan marak anu toni syok re yawe anu fo ku wAit! Ae, anu fo ku wAit ro wotur fea! Tna raa ro tabam refo mhar Allah yhaf mato rAit kaket fee. Ana weto wase Bja ranu tibyo ana mhaf rana mnan msya anu bhaf ranu to fee. Feto to ana mhar anu, ku wAit weto fee ye.

Tna awya ro ja yno iro to, ait retait raa ro kabes yabi (Iblis) rait. Mbam tiwya tinyi snok ttis rau to kabes yabi yno iro bait. Tna Ku ro Allah yare yama mkah bo yitrah bo ro kabes yabi yno mkair weto.

Kukek ro Allah wAit to, ja mno iro yoyo fee. Har rAit mhau matam ana tibyo ana ja wase mno iro. Ana mnan fi Maja rana ro ja wase yno iro.

Soh raa sait yse bombra msis oh tna ymat raa Kristen anya ro mse bo marak to fyi? Soh ait yatmof raa weto ait retait ynan Allah ro ja yatmof raa ye. Soh ait yatmof raa weto fee, ait retait wase boatmof ro Allah.

Awya sai ro yari bo ro Allah yawe tna ybo yno to, ait oh mi raa ro yhaf sau su ysya Allah. Tna bi Ait yhaf sau su ysya ait retait ye. Allah yse Har rAit mjin kʼanu bhaf wanu afo re anu bhar kaket bwe Ait yhaf sau su ysya anu.

Feto to, fyi re anu bhar bwe Ku ro Allah wAit weto miyo? Tna fyi re anu bhar bwe raa ro kabes yabi wait weto miyo? Tawe kʼanu tawe; awya ro ja yno bo ro mkair to ait retait ku ro Allah fee. Tna awya ro ja yatmof raa anya kaket to fee, ait retait ku ro Allah fee ye.

Tiwya tinyi raa mkyas watum reto kʼanu mawe, “Nko hawe sai, natmof raa anya kaket.”

Taja, tme, tao, tano na; raa ro mimara mboh to, kbe knait anu tu oh. Ana knait anu feto, nrok ktak ma!