Popular Bible Verses from 1 Yohanes 1

Share

Soh anu ja betoo iro ro ja anu bno abyõ to, kbe Ait yyon iro wanu; Ait yyon anu boof. Ait retait Raa ro yhaf moof, tna bo ro bi Ait yawe to, kbe Ait yno tu oh.

Menohe soh anu bhau mam arin ro maah to bnan fi bi Ait ja yhau mam wore wo maah to ye, kbe anu biranya kaket. Tna mees ro Yesus Ku rAit reto mroh mama tna myon iro wanu.

Soh anu bwe, “Anu ja wase iro bno!” to, anu sioh-sah anu sai. Anu bkyas feto to, anu bkyas bo ro mabo fee.

Bokyas ro amu nri mbam kʼYesus, tna ne nkyas kʼanu beta, au oh mefo: Allah tait yfi kek, tna arin mamur aro mhau kʼAit fee. Soh anu sait yawe, “Iranya ajõ tsya Allah matak.” to, he mfe; ja yno bo ro mkair-kar fares. Ait oh mi yamo iso ro mamur fares. Ait retait sanet yawe sioh-sah awya mefi! Ait retait yiranya ysya Allah ye fee.

Watum ro Allah mkyas mawe, “Raa beta ja mno iro.” Soh anu sait yawe, “Mfe, jõ ja twase iro tno!” Ait retait yiwana Watum ro Allah reto. Fyi, ynaut yawe Watum ro Allah ja sioh-sah raa a?