Popular Bible Verses from Filibiyawaká 4

Share

Kada aning wor awor á shinn bu zyun ni bàna, ama bu-à na ri zìm bidìm pár aning vig Shìdun, aning sa kyann ku ísoko.

I wà Shìdun má ya ning pìkyinn na tag, zyun-à kab gbam wà mpìrká má yì. Pìkyinn na tag-à níng má sa pìkyinn ná má shi sìsàn á gbìb Yesu Kristi.

Wà kinn shinn-à mì ri zìm aning kyab buká ǹsàn á pìkyinn ná ni, wà má jwar ya mpìrká, àràg bu á gbìb àjai, kyinn ǹsàn, bu ǹsàn sa, shu kyìkyàr, shu azìm, ma bu-à mpìr má yan.

N shi sig ma gbam-à Yesu Kristi ri ya mì. Má sa kó kai bidìm pár ma kàhi.

Aning fig àjwár kó ákaun áyau shuná barà ning ri bàg Shinn Luyí Kristi, mì ri dinya jakàng ning rag, aning fig àjwár.

Shìdunmí, àsàin-à shi sig ma kó kai bidìm pár, má ya ning bu-à ning ri zìm bidìm pár á jir shinn Yesu Kristi.

Aning shi sa buká ning shwann sig á byarmí ni, buká ǹ tàg sig ning, ma buká ǹ dinya sig ning, ma buká ning myàng ǹ sa sig. I wà Shìdun zyun-à ri sa tag pìkyinn má shi kwonn ma ning.

Aning tìya kó ni bidìm pár pìkyinn ajun, jir kai bàna ning yì hing Shinn Luyí nyàan kàng bi.

N yì hing barà má shi shu ashi ma barà má shi shu áni wà ma shi sig ma bu ùwài. N yì hing barà má shi shu àjwár kó áni bidìm pár, kó ákaun tìnn, kó ma shi sig ma buju, kó ma bàna ma buju, kó ma shi sig ma ùwài, kó ma shi sig ma títi.

Mì ri dang fíg jir ashi bu bàna. Big tàg rìghing mì ń pànn samyib wà títi-à ǹ shi sig ma kàhi.