Popular Bible Verses from 2 Timoti 4

Share

N sar gbam n sa hing swàm Shinn Luyí, hár ǹ sa vinn hing, ǹ bir hing pìkyinnmí á byarwá ni hár fòr bi sai-à sumí màg barà tàma-à níng má fim dunyaru.

á dinya mpìrká jir Shìdun, ma á sar gbam á dang kyann, kó wà mpìrká ma ri zìm abig fig, kó wà ba zìm fig abig fig bàna. A kar bàg big abig yì gbìb àjai, ma á tàg big abig fim bu pyìr sa, á dang gbam big pìkyinn, á tib wann pìkyinn ma á tàg big.

Ayúnn zyun má bi wà mpìrká má ngàng wà abig fig jír àjai. Bá bàg sunu bu bibaiká. Bá fig íri jir mpìrká ri tàg big bu-à big ri zìm abig fig. Bá ngàng bu tàg àjai, má fig jir bu tàg ǹsáng.

Ama buwú wù Timoti, á pànn shinnwú á kó kai ni bidìm pár. Shwìn-à wa wa bidìm pár á bà kyinn, á sa swàm jir àjwár dang kyann-à níng, á sa kó kai bidìm pár àràg barà sàn sig wùn aswam Shìdun aku sa.

Ayúnn-à níng hi Shinn Luyí àsàin-à má wà kwonn ábibir níng, kwá wa mì anì swàm bu ǹsàn ku ya sig mì rag ń sa. Kwá wa fig íri mì áwinmí ni bàna, kwá wa mpìrká ká ri shi kir ku, mi ri wìm aku bi níng.