Popular Bible Verses from ISAÍAS 6

Share

Chaymantataq Señor Diospa kunkanta uyarirqani: ¿Pitataq kachasaq? ¿Pitaq ñoqanchismanta willaq rinqa? nishaqta. Hinan ñoqaqa kutichirqani: Ñoqan kamachiyki kani, ñoqata kachaway, nispa.

Paykuna puran waqyanakurqanku: Tukuy-atiyniyoq Señor Diosqa ch'uyay-ch'uyapunin, paypa lliphlli-kayninqa kay pachantintan hunt'aykun, nispanku.

Hinan ñoqaqa nirqani: ¡Ay, imanaykusaqtaq, wañusaqchá kunanqa! Tukuy-atiyniyoq Señor Diostan rikurqoni, payqa Reymi, ñoqaqa millay qhelli simi runan kani, millay qhelli simi rimaq runakuna ukhupitaqmi tiyanipas, nispay.

Rey Uziaspa wañukapusqan watapin Señor Diosta rikurqani, paymi altopi tiyashasqa kamachikunan hatun tiyananpi, qoysu p'achanmi yupaychana wasita hunt'aykushasqa.

hinaspan chaywan simiyta tupaykuwaspa niwarqan: Qhawariy, kay sansan simiykita tupaykusunki, huchallikusqaykin pichasqa, huchaykikunan pampachasqa, nispa.

Paypa altonpin k'anchashaq kawsaqkuna kashasqa, chaykunan soqta raphrayoqkama kasqaku. Iskay raphrankuwanmi uyankuta pakakusqaku, iskaywantaq chakinkuta pakakusqaku, iskaywantaq phalasqaku.

Chay raton k'anchashaq kawsaqkunamanta huknin ñoqaman phalarimurqan. Altar patamanta sansata tenazakunawan hap'ispan apamuwarqan

Chaymi niwarqan: Phaway, kay llaqtata nimuy: Anchataña uyarishaspapas manan entiendenkichischu, allintaña qhawashaspapas manan reparankichischu, nispayki.

Kay runakunaq yuyayninta loqheyachiy, ninrinkutapas roqt'uyachiy, ñawinkutapas ñawsayachiy, ama uyarinankupaq, ama rikunankupaq, ama entiendenankupaqwan. Ahinapin ñoqaman mana kutirikamuwanqakuchu, manataq qhaliyachisqapaschu kanqaku, nispa.