Popular Bible Verses from ISAÍAS 45

Share

Ñoqan pakasqa illakunata qosqayki, pakapi waqaychasqa qhapaq-kaykunata qosqayki Señor Dios kasqayta yachanaykipaq, Israelpa Diosnin sutiykimanta waqyasqayta yachanaykipaq.

Ñoqan ñawpaqeykita risaq, orqokunatan pampayachisaq, bronce punkukunatan p'akisaq, fierro q'ewikunatan chhallusaq.

Ñoqan Señor Diosqa kani, manan wakqa kanchu, manan ñoqamanta wak diosqa kanchu. Ñoqan maqanakunaykipaq kallpachayki, qanqa manaraq reqsiwankichu chaypas. Ñoqan chayta ruwani teqsimuyuntinpi runakuna ñoqallapuni Diosqa kasqayta yachanankupaq. Ñoqan Señor Diosqa kani, manan wakqa kanchu.

Ñoqan k'anchayta k'ancharichini, laqhayaqtapas kamani, ñoqan samitapas rikhurichini, hatun llakitapas paqarichini, ñoqa Señor Diosmi tukuy chaykunataqa ruwani.

Kay pachantinpi tiyaqkuna, kutimpuwaychis, ñoqan qespichisqaykichis, ñoqan Diosqa kani, manan wakqa kanchu.

Señor Diosmi rey kananpaq Cirota hawirqan, paytan paña makinmanta hap'iykuspa nin: Ñawpaqeykipin hatun suyukunata atipani, reykunaq atiynintapas yanqayachini, ñawpaqeykipin llaqta punkukunata kichani kicharayashananpaq.

Sutiypin jurani, cheqaqtapunin rimani: Ñawpaqeypin llapa runa qonqorikamuwanqaku, hinaspan kasuwanankupaq juranqaku: Señor Diosllapunin atipachinpas kallpachanpas, nispanku, nispay. Chay ruwasqayqa hunt'akullanqapunin. Ñoqa Señor Dios contra llapa phiñakuqkunan ñawpaqeyman hamuspanku p'enqakunqaku.

Kamachiy Jacobta yanapanaykiraykun akllakusqay Israel llaqtata kacharichinaykiraykun sutiykimanta waqyayki, qhapaq sutiwanmi sutichayki qanqa manaraq reqsiwankichu chaypas.