Popular Bible Verses from GENESIS 49

Share

Judapa mirayninkunamantam reykuna kanqa. Dueño hamunankamam manataq pipas qechunqachu rey kaynintaqa. Payllatañam kasukunqaku runakunaqa.

Ruruq kallma hinam Joseyqa. Pukyupa hichpanpi ruruq sachapa kallman hinam payqa. Perqapa hawanman mastarikuq kallma hinam payqa. Paytaqa cheqnispankum flechanku. Flechaqkunaqa siemprepunim wateqanku.

Joseyqa flechanantam takyachin allinta. Kallpanchanmi brazonkunatapas allinneqta. Chaynataqa ruranqa Jacobpa atiyniyoq Diosninraykum. Chaynataqa ruranqa Israelpa Michiqnin Diosraykum. Chaynataqa ruranqa Israelpa harkaqnin Diosraykum. Taytaykipa Diosninmi yanapasunki. Tukuy Atiyniyoq Diosmi bendecisunki. Payqa bendecisunki cielokunapi kaqkunawanmi. Payqa bendecisunki lamar qochapi kaqkunawanmi. Warmikiqa achka wawakunatayá ñuñuchun. Warmikiqa achka wawakunatayá wachakuchun.

Juda, qamtam wawqekikuna alabasunki. Enemigoykikunatam kunkanmanta hapinki. Wawqekikunam ñawpaqnikipi kumuykusunki. Malta leon hinam kanki, churiy Juda. Leonpa uñan hinam qamqa kanki, churiy Juda. Hapimusqaykiwan saksaspam waqtapanki. Hatun leon kaqllam kurkuykachaspayki waqtapanki. Wawayoq leon hina kachkaptikiqa ¿pitaqsi rikchachisunkimanqa?

Ruben, qamqa piwi churiymi kanki. Qamqa atiyniy hinam kanki. Kallpaypa qallariyninmi kanki. Sinchi honrasqam kanki qamqa. sinchi atiyniyoqmi kanki qamqa. Lloqlla hina mana harkay atinam kanki. chayraykum mana piwi churiy hinañachu kanki. Chaynaqa kanki ñoqa taytaykipa compañeraywan puñusqaykimantam. Chaynaqa kanki casado vidayta qanrachasqaykimantam.