Popular Bible Verses from 1~Timoteo 2

Share

Hukllam Diosqa, hukllataqmi Dioswan runakunata allinyanachiqpas, chay allinyanachiqqa Jesucristom. Paymi llapallanchikta salvawananchikpaq kikinmanta entregakurqa hinaspam rantinchikpi wañupuwarqanchik. Kayku-natam Dios reqsichiwanchik munasqan tiempopi.

Imamantapas puntataqa kaytam nimuykichik, llapallan runakunapaqmi Diosta mañakunaykichik, orakunaykichik, ruegakunaykichik hinaspa agradecekunaykichik. Mañakunaykichiktaqmi lliw reykunapaqwan kamachikuqkunapaqpas, chaynapi allinlla, hawkalla, allin sonqoyuq hinaspa allinpaq qawasqa kawsananchikpaq.

Ñoqam munachkani tukuy hinastinpi kaq runakuna makinkuta hoqaris-panku Diosta chuya sonqolla mañaku-nankuta, chaytaqa ruwachunku ama piñakuspa hinaspa ama atipanakuspa. Warmikunapas humildad-wanyá pachakuchunku, allichapakuspapas allin yuyaywanyá allichakuchunku, ñaqchakuspapas amataqyá achalapakuchunkuchu, amataq llumpay precioyuq qorimanta, perlasmanta alhajakunawanpas nitaq llumpay precioyuq pachawanpas churakuchunkuchu. Aswanqa allin kaqkunata ruwaspayá Diosta hatunchaq warmikuna hina qawachikuchunku.