Popular Bible Verses from 1~Juan 3

Share

Churillaykuna, amayá simillawanchu kuyanakusunchikqa, aswanqa cheqap ruwaywanyá kuyanakuychik.

Kaywanmi yachanchik imaynam kuyakuy kasqanta, Jesucristom vidanta qorqa ñoqanchikrayku, chaynam ñoqanchikpas runamasinchikrayku vidanchikta qonanchik.

Qawariychik, mayna-maynatam Dios Taytaqa kuyawanchik, Diospa churinwan sutichasqa kananchikpaq. Chayraykum kay pachapi runakunaqa mana reqsiwanchikchu, Diosta mana reqsisqankurayku.

Pipas hucha ruwaqqa diablopam, diabloqa qallariyninmantapuni huchallikuqmi. Diospa Churinqa rikurimurqa diablopa ruwasqankunata tuñichinanpaqmi.

Diospaqña musoqmanta naceqkunaqa manañam huchallikunkuñachu Diospa kawsaynin paykunapi kasqanrayku, manañaqa huchallikunkuchu Diospa churinña kasqankuraykum.

Pipas kapuq-niyuq kachkaspan runamasinta imamantapas muchuqta qawakunman hinaspa imallantapas mana qoykuqqa, ¿yaqachum Diosta kuyanman?

Kamachikuyninkunata kasukuq runaqa Diospim takyachkan, Diospas paypitaqmi takyachkan. Qowasqanchik Espiritupa yanapakuyninwanmi yachanchik payqa ñoqanchikpi kasqanta.

Suti reqsiyllam Diospa churinkunaqa, suti reqsiyllataqmi diablopa churinkunapas. Allin kaqkunata mana ruwaqqa hinaspa runamasinta mana kuyaqqa, manam Diospa churinchu.

Ñawpaqmantaraq yachachikuy uyarisqaykichikqa kaymi: Huknikichikmanta huknikichikkamayá kuyanakuychik.

Wawqe-panillaykuna, kay pachapi mana allin ruwaqkuna cheqnisuptikichikqa, amayá hukmanyaychikchu.