Popular Bible Verses from Rom 5

Share

Yesʉs-Krɨst nyɛɛ a dwè, jala e bɨna ga ó, é jɔʼ bɨna bé a be ga lé ekʉ sa njɨ mɨsyem ɨ! No ó Zyɛm ndɨ elɛʼle bɨna ga kpɛl ye e.

ǃƗ mbɛla si loŋlo mʉr é leme nɛʼɛ, mʉr waa, nye aŋa ka bil fwon, ebe, Zyɛm, nyi lɛʼle bɨna ga mpʉ nye lé ekpɛl bɨna ga ɛ. Nye a lɛʼle bɨna ga no ó, é zi Mbɨambɨa Sisim, waa nye a ntɨh bɨna ga ɛ.

Dam be mɨtuu e mɨndɛl bɨna lé ebɔma ga e mye e, bɨna bé ekʉ bana mɨɨla ga e mye, ebe, bɨna bé egʉa ga ó, baa lé edihbe mɨtuu ɨ, bé ójwɨʼ bihbe tɨ. É jɔʼ bɨna bé óbe si di ga e bihbe waa ɛ, bɨna bé ócyɛb ga é nkʉʼʉ é mobʉbla. ǃBɨna si cyɛb ga é mobʉbla nɛʼɛ, mbɛla, wé óloŋlo mɨleme ga mina é tur.

Zyɛm mu ó si dwe bɨna ga mokebe ebe taa buʼo bɨna lé ejyɛʼ boo Krɨst ɨ. Ebe no ó bɨna ga e boo Zyɛm mu mbɨmbɨa, dumo e Tî ga wina Yesʉs-Krɨst ɨ. Yesʉs-Krɨst ó b'a kar zi é l'efu ó, Zyɛm nkʉʼ lɛʼle bɨna ga ncwɨncwɨa we. Bɨna mu ó lé ebi ga ncwɨncwɨa waa ó, é zi buʼo ga yina, lé ekʉ mɨɨla e mbɛla mu lé eloŋlo mɨleme ga mina ɛ. Bɨna bé ga e mbɛla é mɨleme ó, bɨna bé ópyal ga é dia kum mo Zyɛm.

Molu pihe, é jɔʼ bɨna bé a baapa bi nkul ɨ, Krɨst a ka ze jala e mobyaʼ ga mɨna, bɨna bʉr o b'a baadwiibɨ Zyɛm ɨ. Nye a dwè ó, é mpaŋ jɔʼ Zyɛm a bɛa pɛh ɛ.

Yesʉs pa taare pyɛl motié me, ntɔʼ dwè é l'efu ó, nye dweʼ bɨna ga, osyɛl be ebebe, mokebe, a dwɛʼra e sa nye ósa bɨna ga ɛ! Nye ókʉ baʼle bɨtiʼ ga bina é jɔʼ Zyɛm ókpaa empime e bʉʉ bʉr ɨ.

Jwɨʼ gwar e gwar mpʉ mʉr ngwar a sa Zyɛm ebɨh, Zyɛm nyɛɛ ntɔʼ láa ó, bʉr é buobuo, bé mu ó osyɛl o mɨsyem ɨ, jwɨʼ gwar yaa nteme ó, é jɔʼ mʉr ngwar a sa Zyɛm mojoʼo e, Zyɛm a be ó si láa ó, buobuo bʉr, bé mu ó ocɨcyel o bʉr ɨ.

Yé abe njɨ no, yé ome: bɨna mu lé emɨɨla ga nteme ó, dumo e Tî ga wina Yesʉs-Krɨst, é zyɛŋa ga wina boo Zyɛm. Nye ó b'a sa sàa paʼra ga wina boo Zyɛm é jɔʼ yi.