Popular Bible Verses from Rom 13

Share

Diʼe ga é zyɛŋa win boo Da Yesʉs-Krɨst. Bwara ga nye mpʉ kan. Acen ga mɨleme min é nko paʼ bɨsyɛɛla nyʉl bɨpuno win lé egwɨm sa ɛ.

Adi ga nuu mʉr e mpɔla. Me dam lɛɛ no, bɨn bé yɛɛ ó e mpɔla bɨn lé ekʉ jala le ejɛna ɛ. Mpɔla waa, nye ó kpɛl paʼra win. Mʉr lé ekpɛl mɨɔ we mʉr ɨ, nyi du motie mo Zyɛm mɨmɛh.

Mʉr nyiwɛh, nye saʼ ojwɨʼa o lal mojoʼo, ebe, nkul mojwɨ̀ʼa nyiwɛh, Zyɛm ó b'a cyel nye. Bʉr o ndɨ ejwɨʼ bʉʉ ɨ, Zyɛm ó ndɨ ecyel be é bɨdia byɔɔ.

Pum mu ó lé ekʉ laa. Mɛn, wé mu ó lé ekunbo. Bɨna birɨ ga be bɨsyɛɛla bɨ apum. Bɨna bwara ga mokʉa mo dɔm é l'efu ó, bɨna lwimla ga e me é moho.

Mʉr lé ekpɛl mɨɔ we mʉr ɨ, nye abe e nkul esa nye ebebe. ǃGo si kpɛl bʉr nɛʼɛ, lɛɛ ó, go edu motie mɨmɛh mbɨmbɨa.

Jɛna ga bʉr bɨbɛh mompɔla bɨn ndɨ be e ma ɛ. Jɛna ga otœa boo bʉr o ndɨ ebɛma be e. Dwaaba ga baa lé ejala e duu ɨ. Seʼla ga baa lé ejala e moseʼla ɛ.