Popular Bible Verses from Rom 1

Share

Me abe e nkul ejoʼo ba fwon lé elɛɛ Mbɨambɨa Lɔɔ, ebe, wé ó nkul mo Zyɛm é l'efu le etiʼ mʉr nyiwɛh óbuʼla we e, taare é l'oYʉden, to pyal é baa ndɨ abe oYʉden ɨ.

Mbɨambɨa Lɔɔ waa, wé elɛʼle mpʉ bʉr lé ebi mokebe é mih mo Zyɛm ɨ. Mokebe maa, mé edweŋɔ ó, njɨ ebe taa buʼo mʉr lé ejyɛʼ boo Krɨst ɨ, taare é l'etɔɔrʉ, to pyal é l'efehle. Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr ndɨ e tiʼ molu mo mpoʼ mɨmɛh ɛ, nye ó njɨ waa a bi mokebe é mih mo Zyɛm ebe taa buʼo nye a jyɛʼ boo nye e.»

Taare é jɔʼ Zyɛm a cye sa yiyɛh ɛ, njwɨr we ndɨ abeɔ ɛ (no, yé ó nkul we ndɨ njʉmdia e njʉmdia ɛ, ndwe e kwɨmla we ndɨ anwɨɨla e waa mo mɨcyea bɨsɔʼɔ ɛ), wé enyin bʉr é mih é pono, é jɔʼ bɨna lé egʉa dwɛʼ ga le epahle bɨsyɛɛla bye e. No ó, bʉr o ndɨ esa Zyɛm mongan ɨ, bé aka be e nkar é mih me.

Dam be ó, bé a be ó si kʉ gʉa ó, Zyɛm, nye ó tɨ, bé a baadwiibɨ nye mpʉ yé a jala ɛ, nkʉ dwe nye ekiba é lɔb bɨsyɛɛla bye. Bé a kʉ ka pahle sɔʼɔ ó njɨ bɨsa byaa ndɨ abe e nyɔm ɨ. Bé ze lihba ó, mɨmiʼ.

Bé a si bene lé ebuʼla ocyecye mo Zyɛm, ka kpɛl dwiibɨ njɨ ozyɛm o mpʉl. Laa ó, bé dweʼ Zyɛm Kwihbʉr kum, bé a kʉ ka mɛʼle ó njɨ bé dwiibɨ bɨsa nyɛɛ a cye e. Kum diʼe e Zyɛm waa, njʉmdia e njʉmdia. Amɛn!

Zyɛm, nyi lɛʼle bɨna ga mpʉ nye lé ekpaa empime é lɔb ga wina ɛ. Nye esa no ó, bʉr é sʉlʉlʉ, duho é jobo kʉ. Bɨna bé esa ga nye ebɨh ndwe e bɨsyɛɛla bɨ ebebe bibyɛh. Bɨna bé elwimla ga e l'ocyecye, du-du njɨ bɨsyɛɛla bɨ ozyɛhozyɛh.

Ebe no ó Zyɛm a fuo ka bir ó, bé saʼ bɨsyɛɛla lé eloŋlo bɨgwɨma bɨ nyʉl bɨpuno wɔɔ ɛ, lé esa ó, bé lama fwon. Bʉba bɛɛ lé ebene lé esyɛŋa e bʉrʉm é bɨduo, mpʉ Zyɛm a cye be ó, bé diʼe sa ɛ. Laa ó, bé saʼ mpaŋ syɛɛla yaa, bé a kʉ ka gba monyʉl mɔɔ ó njɨ lé ekœbla paʼra wɔɔ. Bʉrʉm, bé esa nteme no, jwɨʼ gwar yaa. Bé ebene lé eka syɛŋa duo e bʉba mpʉ bé a cyeŋɔ ó, bé dɨʼe sa ɛ. Laa ó, bé saʼ no, bé a kʉ ka joʼo dweh ó njɨ bé syɛŋa duo e bʉʉ bʉrʉm! Bʉrʉm e bʉrʉm, bé elama fwon lé ebana tɛbla paʼra wɔɔ. Bé edaʼre bɨntɨʼa é monyʉl mɔɔ. Bɨntɨʼa byaa, byé ó ndɨ myɛna bé lé ebi ɨ, duho é syem bé lé esa ɛ. Bʉr baa, bé a baabee ó, yé ejala ó, bé gʉŋa Zyɛm. No ó Zyɛm a fuo ka bir be ó, pɨʼ wɔɔ beʼ ntul ɨ. Nye ebir be ó, bé saʼ bɨsa bɨ fwon byaa ndɨ ajala ɛ.

Bé dam doʼo e l'ocyoo wɔɔ, bé eka to fuʼla ó bɨgʉ. Laa ó, bé dwiibɨ Zyɛm, waa ndɨ abe e nkul edwè e, bé a fuo mɛʼle yɛɛ ó, bé dwiibɨ njɨ bɨbaŋabaŋa bɨdweʼle ndɨ mɨkpɛʼa ɛ. Bé a kpaʼ bɨsa byaa ó, lé edweʼle bʉr o ndɨ edwè-dwè e, bé e bɨnɔn, otir o mopɔrʉ, otir o motɔrʉ, nkʉ onyʉa.