Popular Bible Verses from Markus 9

Share

Yesʉs, nye e nye ó: «Gwɔɔ lɛɛ ó: “ǃGo be e nkul ekoʼo wa!...” Sa gwar, mɛm, me elɛɛ e go ó, sa yiyɛh, yé óbɛm saŋɔ boo mʉr lé ejyɛʼ taa buʼo ye boo Zyɛm ɨ.»

Cye e cye yaa, sɔŋ mwan ntɔʼ lɛɛ kʉ kʉ ó: «Mɨ jyɛʼ taa buʼo yam boo nye! Sa gwar, ntaʼ, ze gul me é nko paʼ abuʼla wam.»

É jɔʼ Yesʉs a bula mbɛr ɨ, ompʉn be, ze dî e nye, bé mu bé ome ó: «Ebe yé bɨh baakoʼo lé edwih we e?» Nye ó: «Winɨ mbi bɨbla sisim, yé ekʉ ka dwihɔ-dwihɔ ó njɨ é zi mɨnjwɨʼla.»

«Ekpa, lé ó sa ndɨ é mbɨa ɛ. Sa gwar, Sa gwar, ǃɨ ekpa, lé si dimle mojómo me nɛʼɛ, bé óka bula dwe le mojómo nyá ɛ? Diʼe ga ompʉn ompa é l'esama lɨn tʉŋlʉ, mpʉ ekpa, sa ndɨ e nyɔm é mode e. Bɨn bé à tiʼe é motala paʼra win.»

«Mʉr nyiwɛh óbɨlan e mbi mancyom wiʼ mbɨmbɨa é die lam ɨ, nyi bɨlan e me mʉr tɨ. To kœb ó, mʉr bɨlan e me e, nye abɨlan e me e me; nyi bɨlan nteme ó e mʉr a ntɨh me e.»

Me elɛɛ bɨn cyecye ó nɛɛ: ǃɨ mʉr si dwe bɨn bele modibe ebe bɨn bé ó jyɛɛ mo Lœma mulo mo Zyɛm nɛʼɛ, mʉr waa óbi mpaŋ myɛna me.»

«É nko paʼ bwan ndɨ ejyɛʼ taa buʼo yɔɔ boo me e, laa ó, mʉr gomla ngwar tɨʼ é zi mɨsyem, fuo tiile yɛɛ bwaʼbwaʼ ekoʼ é twii zizii wam waa, wé guhɔ é maŋ, ebe, yé a ngbaa mbɨa é paʼ mo zizii wam waa ó, wé guhɔ é maŋ, dwè, abe ó, wé gomla mwan ngwar é zi mɨsyem waa.

Yé be ó, dih lo, lé ó ndɨ esa ó, go duma é l'ebebe nɛʼɛ, guha le. Laa ó, go diʼe e mih moba mo, ntɔʼ ka to guhɔ é Bɨ-siʼe ndɨ é diʼa diʼa ɛ, fuo guho yɛɛ dih lo, ebe, yé é bul mbɨa é nko paʼ go ó, go diʼe e ntwan dih, to bi tiʼ molu mo mpoʼ mɨmɛh é jwɨ̀ʼa mo Zyɛm.