Popular Bible Verses from Mataos 27

Share

Yé mu lé eto saa mowala molɛl nɛʼɛ, Yesʉs ze bʉ tim. Nye ó: «Eli! Eli! Lama sabaktani?» (No yé elɛɛ ó: «Zyɛm wam, Zyɛm wam! Ebe yé go ka myah me e?»)

É jɔʼ yaa, kan ebe, wé a be-be cyèla é Mpah Zyɛm tʉŋlʉ ɨ, wé ntɔʼ nyɛɛ é wɛɛɛb bɨpeh bɨba, taare kʉ, pyal si. Si a be ó si ncyeŋa, mokoʼ dɨ bʉl, mofoo diba. Buobuo mɨsaŋ mɨ bʉr myé a dwè e, myé a be ó si dɨ pàh

No ó Yesʉs a ze bâʼle time kʉ kʉ, ntɔʼ fil mɨswɨh mɨ epihe.

Njwɨɨ nter bɨzima bé e bʉʉ bʉr o b'a be lé ebaʼle Yesʉs ɨ, mbea bé a bee mpʉ si a ncyeŋa ɛ, le byʉʉ bɨsa bibyɛh, byé a syɛɛlɨ ɨ, bé ntɔʼ kʉ ze bil ekɛn. Bé ó: «Mʉr nwaʼ a bana kʉ be ó Mwan mo Zyɛm!»

É jɔʼ teme moho, yé a pyal ɨ, edurʉ ntɔʼ fulo é si nwaʼ nyiwɛh, to pyal é mowala molɛl mo bii kʉʼ.

Pilat, nye e be ó: «Yé be no nɛʼɛ, Yesʉs, waa bɨn ndɨ ejebɔ ó, Krɨst ɨ, me saʼ nye nyá ɛ?» Bʉr bɨbɛh ntɔʼ bɨha ó: «Cyèlɨ nye é klos kʉ!» Pilat, nye e be ó: «Ebe yé? Nye sa yáa syɛɛla ebebe?» Bé ntɔʼ yɨm motwii, lɛɔ ó: «Cyèlɨ nye é klos kʉ!»