Popular Bible Verses from Yʉanes 16

Share

Me elɛɛ bɨn mɨlɔb mɨnɨ ó, bɨn nkʉʼ di é zyɛŋa ga wina, bɨn nkʉʼ di é motala. Bɨn bé ósia e mɨtuu lé edi é bebebebe si nwa. Dam be no, tʉmɨ ga monyʉl. Mɛm, mɨ ntaa nye é nkul!»

É jɔʼ Sisim Ocyecye, wé ópyal é bɨn ɨ, wé ólɛʼle bɨn ocyecye wiwɛh. Wé aŋa lwib njɨ e nkul we. Wé ólɛɛ sa wé a pa joʼo e. Wé nteme, wé ólɛɛ bɨn sa muno ze syɛɛlɨ ɨ.

Ze pyal é banana, bɨn bé apa dî le ejaʼ Sɔŋ wam sɔʼɔ, pere e die lam. Jaʼa ga, bɨn nkʉʼ bi. Bɨsʉhʉ bin, byé nkʉʼ di ntinɨ e ntinɨ.»

Me elɛɛ bɨn cyecye ó nɛɛ: embɨa, lé é nko paʼ win ó, me toʼ. ǃMe baato nɛʼɛ, mʉr ndɨ ekamle e bɨn ɨ, nye aŋa ze kœb bɨn. ǃMe si ka to nɛʼɛ, me ntɨh bɨn nya. É jɔʼ nye ópyal ɨ, nye ódwe bʉr bɨbɛh mobe bé ndɨ e me ebe syem wɔɔ ɛ. Nye ólɛʼle be nteme ó, bé agʉa mbɛʼ paʼra sa ndɨ ocɨcyel ɨ, le yaa ndɨ ozyɛhozyɛh ɛ. Nye ólɛʼle be nteme ó, mpʉ Zyɛm ódwe bʉr mobe e.

Jwɨʼ gwar e gwar yaa, banana, bɨn bɨ joʼo mompime ebe mpɔʼa ga wina. To kœb ó, me óbâʼle bee bɨn. Bɨn bé òjoʼo bɨsʉhʉ. Abe e mʉr óka pɛʼ bɨn bya é mɨleme. «É jɔʼ moho waa, wé ópyal ɨ, bɨn bé aŋa ka dî me yʉʉ sɔʼɔ. Me elɛɛ bɨn cyecye ó nɛɛ: Sɔŋ wam ódwe bɨn sa yiyɛh bɨn bé ódî le ejaʼ nye, pere e die lam ɨ.

Me elɛɛ bɨn cyecye ó nɛɛ: bɨn bé óbʉ modwe, bʉr o ndɨ egumo e si nwaʼ ɛ, bɛɛ lé esʉna. Bɨn bé óbil myoo. Sa gwar, myoo win waa, wé ólihba ó bɨsʉhʉ.