Popular Bible Verses from 2 Korɛnt 3

Share

To kœb ó, ekan e «Da» Kalara Zyɛm lé elɛɛ ɛ, lé elɛʼle ó Mbɨambɨa Sisim! No ó, gumo Sisim mo Da Yesʉs ndɨ ɨ, bʉr, bé mu ó é dia otî.

No ó, egor laa, lɨ pʉʼa é mompom ga mɨna. Ebe no ó bɨna ga mu lé ekʉ bee ga moncɛnba mo Da Yesʉs é sʉlʉlʉ ɨ, moncɛnba mo tɨʼ lé ekʉ pan nteme, duho é bɨna ga. Bɨna mu ó lé edwirɔ ga é l'efu ó, bɨna nkʉʼ gʉa nwɨɨla ga e nye, ndwe le elɛʼle bʉr kum we. Da ó lé edwir bɨna ga no, nyɛɛ waa bɨna lé ejebe ga ó, Mbɨambɨa Sisim ɨ.

To kœb ó, é jɔʼ mʉr si dwir leme we, jyɛʼ taa buʼo ye boo Da ɛ, egor laa, lé epʉʼa é fum lé ndɨ ebuuro pɨʼ wɔɔ ɛ.

Yé akunbo ba e bɨh ó, bɨh lɛŋɨ ó, bɨh bé ó mbi bʉr o ndɨ ejala le esea nye syɛɛ yaa ɛ. Nkul ndɨ ó, bɨh sea nye ya ɛ, nye aduho é bɨh. Nye eduho ó, é Zyɛm. Nye ó b'a dwe bɨh nkul ó, bɨh nkʉʼ di bʉr o ndɨ ejala le esea nye syɛɛ ye e. Bɨh mu ó osyɛl o mosa be, lé enyiŋ bʉr ó, bé nʉŋa Edwan e Mpʉn nye a de e bʉr ɨ. Nye a de mpʉn waa e be ó, é zi Sisim we, abe é zi motie ndɨ mɨtila ɛ, ebe, motie maa, mé ejʉ ó, jʉʼo. Sisim we ó ndɨ edwe bʉr tiʼ molu mo mpoʼ mɨmɛh.