Popular Bible Verses from 2 Korɛnt 1

Share

Bɨna gumla ga Zyɛm, waa ndɨ Sɔŋ mo Tî ga wina Yesʉs-Krɨst ɨ. Nye ó Sɔŋ ga wina lé elɛʼle bɨna ga njwɨʼa-nkoo we, waa lé egba bʉr nkul é monyʉl ɨ. Nye egba bɨh nkul é monyʉl ó, é jɔʼ yiyɛh bɨh lé ebɔma e mɨtuu ɨ. Nye ó mʉr lé ecyɛb bɨh é mɨleme ó, bɨh gbaʼ bʉʉ bʉr nkul é myɔɔ mɨleme é mbi ngwar waa ɛ. É jɔʼ bé lé ebɔma e myɔɔ mɨtuu ɨ, bɨh ó ndɨ ekɛm be é zi ngula bɨh bé a taare bi boo Zyɛm ɨ.

Ebe, mpʉ bɨh lé ekabla mɨtuu mo Krɨst ɨ, jwɨʼ gwar e gwar yaa nteme ó bɨh lé ebi monkɔb é nkul we nye lé egba bɨh é mɨleme e.

Bɨh bé a bee ó, bé a be ó si dwe bɨh mobe mo jala e l'efie e. Yé a syɛɛlɨ no ó, bɨh beʼ l'aka jyɛʼ taa buʼo yih boo bɨh bʉr o tɨ. Sa ndɨ ekʉ jala ɛ, yé ó bɨh jyɛʼɛ ye boo Zyɛm, waa lé epɛ̀h bʉr é mofoo e.

No ó, Zyɛm nye mʉr tɨʼ ó lé ecyɛb bɨna ga e boo nɔɔ é mɨleme, ó bɨna cyɛba ga é nkʉʼʉ é zyɛŋa wina boo Krɨst. Nye ó b'a ntɨh bɨna ga Sisim we, mpʉ mulo nye lé elœm bʉr be e ma ɛ. Nye nteme ó b'a ntɨh bɨna ga Mbɨambɨa Sisim. Naa yé ó, nyi gba mɨsisim ga mina luʼ, ntɔʼ ŋmɛh luʼ waa e sitam. Mojwɨʼ nye a gba é bɨna no e, mé ó dweʼle ndwe e bɛn, sa lé elɛʼle ó, nyi dwe bɨna ga tiʼ molu mo mpoʼ mɨmɛh ɛ.

ǃBɨh bé óbe si sia e mɨtuu nɛʼɛ, syɛɛla yaa, yé e nyɔm é nko paʼ win, ebe, yé ógba bɨn nkul é monyʉl, le etiʼ bɨn. ǃBɨh bé óbe si gbaŋɔ nkul é monyʉl nɛʼɛ, yé óbe ó, njɨ ebe bɨn dira nyɔm e bɨh é yʉʉ jɔʼ. Mɨleme min, myé ódira nyɔm e ngula wih ó, é jɔʼ bɨn bɛɛ, bé ósia e mbi mɨtuu mɨmpwar myaa ɛ. Myé ó bɨn bé a bɛa bee bɨh lé esia e mye e.