Popular Bible Verses from MARKO 5

Share

Enek ni Yesu nɔɔnɔ nɛ, “Bɛɛnyan, anyin tuwɛn unun ineet izi maya inoko. Zin tɔ talniinta. Alaŋ mɔɔrizi nici abadakin bodo.”

Maje ŋinaante anyak ŋaa ci amɔɔr maam o ŋaanu irkitok amɔtɔ ram. Amɔɔr niini ɔrɔɔt, ma azɔp akimanɛ ci meel gɛr irkitok dook, ma ŋaan kizi maya nɔkɔ, bar azaaci mɔɔrizi ɔrɔɔt.

Mazi didi uum niini Yesu rum, eelit maama enico ɛlɛ, alaŋaan aduŋna. Makacin agawun niini ɛlɛ onin izi didi maya.

Ma agam niini dole aziit, ma anek otoge uneeŋ nɛ, “Talita koom.” Ma kɛŋ ci zɔɔz nico kazi nɛ, Bɛɛnyan, tiŋa jena.

Mazi ŋaan azɔɔzɔ Yesu kibeen ŋaa nico nɔkɔ, ivita ɔl ogɛnɛ ole o Jairas, ma avu anek nɔɔnɔ nɛ, “Adaak dole unune. Má ŋaan amila gayoi gaga.” Mazi azii Yesu zɔɔz ci aduwa ɔl nicigi o, enek niini Jairas nɛ, “Má anyei ŋoliin gaga. Tuwɔ labak.”

Ma anek Yesu miniŋit ci Loryento o nɛ, “Duna eete nico.” Ma agɛrɛny miniŋit molowe ci appe azi nɛ, “Yesu ŋɛɛrti Jook o adikir, arooŋ ŋaatan gitaz? Kalayin ineet zaare o Joowo ka calaŋ uulalan.” Ma ajin Yesu miniŋit nico anek nɛ, “Kazi zaar cugun nɛ?” Abɛdɛkɛ niini nɔɔnɔ anek nɛ, “Kazi zaar cigan nɛ Kɔlɛ, eeci keegina naaga mɛɛlɛ.”