Popular Bible Verses from رٛومَنْکٛعٜنْ 6

Share

نغَمْ نجٛٻَارِ حَکّٜ طُمْ مَيْدٜ، اَمَّا شَاحُ اَللَّه وٛنِ يٛنْکِ کِ رٜعَتَا کٜٻٜتٜىٰکِ بَرْکَ سُمْڤٛوتِرْکِ اٜ يٜىٰسُ اَلْمَسِيحُ جٛومِرَاوٛ مٜىٰطٜنْ؞

نغَمْ حَکّٜ حٜٻَتَا جَالٛرْغَلْ دٛوْ مٛوطٛنْ، ندٜ نَاع لٜيْ اَتَّوْرَ نغٛنْطٛنْ، اَمَّا لٜيْ يِدّٜ اَللَّه نغٛنْطٛنْ؞

نغَمْ نٛنْ، بَڤْتِسْمَ طُمْ اُمْ وَطَنِعٜنْ بٛ طُمْ اُوُدُعٜنْ اٜ مَاکٛ، ندٜنْ اٜنْ نغَرْتِي غٛعٛ اٜ مَاکٛ ندٜرْ مَيْدٜ مَاکٛ، نغَمْ، نٛنْ نٛ تٜدُّنغَلْ ݧَاکٛ مٜىٰطٜنْ مٛ دٛوْ اُمِّنِرِ اَلْمَسِيحُ دَغَ مَيْدٜ، نٛنْ اٜنٜنْ مَا اٜنْ نغَطُ جٛنْدٜ حٜيْرٜ؞

تٛع اٛنْ ڤُطُّتُ اَلَنٛنْ حَکّٜ وٛنْدٜ جٛکّٛودٜ ٻَنْدُ مٛوطٛنْ ندٜ حُوتِرٜىٰ فِي کَلُّطُمْ؞ اَمَّا کٛکّٜىٰ اَللَّه کٛعٜ مٛوطٛنْ بٛ يِمْٻٜ ٻٜ طُمْ اُمِّنِ دَغَ مَيْدٜ يَاکِ يٛنْکِ، ندٜنْ کٛکّٛنْمٛ فُو کٛعٜ مٛوطٛنْ نغَمْ اٛ حُوتِرَعٛنْ کُوطٜ اَادِلَاکُ؞

اٜنْ اَنْدِ نغِکُّ مٜىٰطٜنْ طُمْ ندٜنّٛ طُمْ وَرْدَامَ اٜ اَلْمَسِيحُ دٛوْ غَافَانغَلْ، نغَمْ ٻَنْدُ مٜىٰطٜنْ ندُ حَکّٜ حَلْکٜىٰ، نغَمْ تٛع ڤُطِّتٜنْ نغَرْتٜنْ مَشُّٻٜ حَکّٜ؞

نٛنْ اٛنٛنْ مَا، دٛولٜ کٛشّٜىٰ کٛعٜ مٛوطٛنْ بٛ مَيْٻٜ ٻٜ بَوْطٜ حَکّٜ لَامَاکِ دٛوْ مَٻّٜ، اَمَّا جٛونِ اٛنْ نغَطَ جٛنْدٜ نغَمْ نغَطٛنْ کٛ اَللَّه يِطِ بَرْکَ سُمْڤٛوتِرْکِ اٜ يٜىٰسُ اَلْمَسِيحُ؞

تٛو، طُمٜ مبِعٜتٜنْ؟ اٜنْ نغَطَيْ کَ وَطُکِ حَکّٜ نغَمْ يِدّٜ اَللَّه ٻٜيْدٛو؟ غٛونغَ نَاع نٛنْ!‏ حَانَا ݧَمْرٜنْ يٜىٰسٛ اٜ وَطُکِ حَکّٜ، نغَمْ اٜنْ نجَادَکٜ اٜنْ نغَرْتِي بٛ مَيْٻٜ تٛ حَکّٜ؞ نٛ وَطَتَ کَدِنْ اٜنْ ݧَمْرَ يٜىٰسٛ اٜ جٛنْدٜ ندٜرْ حَکّٜ؟

غٛونغَ اٛنْ اَنْدِ تٛ اٛنْ تٛکِّي کٛ غٛطّٛ وِعِعٛنْ نٛ مَشُّٻٜ نغَطَتَ، اٛنْ نغَرْتِي مَشُّٻٜ اٛنْ طٛنْ مٛ نغَطٛتٛنْ کٛ وِعِ، کٛو حَکّٜ ڤٛوطَيْطُمْ مَيْدٜ، کٛو وَطُکِ کٛ اَللَّه يِطِ غَرْتِرَيْطُمْ نٜطّٛ اَادِلِيجٛ؞

اَمَّا يٜتّٛورٜ تَبِّتَنَ اَللَّه، نغَمْ ندٜنّٛ اٛنْ مَشُّٻٜ حَکّٜ، اَمَّا جٛونِ اٛنْ تٛکَّ اٜکِّتِنٛلْ نغٛلْ طُمْ اٜکِّتِنِعٛنْ اٜ ٻٜرْطٜ مٛوطٛنْ فُو؞ اٛنْ ندِمْطِنَامَ دَغَ وَطُکِ حَکّٜ، اٛنْ نغَرْتِي مَشُّٻٜ اَادِلَاکُ؞