Popular Bible Verses from رٛومَنْکٛعٜنْ 2

Share

اَ ݧُمَ اَنْ، اَ حِسَيْ کِيتَ اَللَّه، ندٜ اَ وَطَ کٛ وٛوطَا طُمْ شَڤّٛرْتٛطَا وٛٻّٜ؟ کٛو اَنْ اَ يَوَنَ يِدّٜ اَللَّه مَوْندٜ، اٜ شِيَ يَاوُکِ مٛنّٜرٜ مَاکٛ، اٜ مُݧَلْ مَاکٛ؟ اَ اَنْدَا يِدّٜ اَللَّه اٜ فٛوطُمَا تُوبَا؟

نغَمْ نٛنْ، اَنْ، شَڤّٛتٛوطٛ کٛ وٛوطَا طُمْ غٛطّٛ وَطِ، اَ وَلَا کٛ مبِعَتَا، کٛو اَنْ اَ مٛيٜ؞ نغَمْ فُو شَرٜلْ کٛ شَڤّٛتٛطَا کٛ وٛوطَا طُمْ غٛطّٛ وَطِ، اَ وَطَنَ حٛورٜ مَاطَ کِيتَ؞ نغَمْ کٛ وٛوطَا طُمْ شَڤّٛرْتٛطَا غٛطّٛ، کَنْجُمْ نغَطَتَا اَنْ مَا؞

نغَمْ اَللَّه حٛلَّتَا فٜىٰرٛوتِرٛلْ؞

نغَمْ نَاع نَنٛوٻٜ کٛ اَتَّوْرَ وِعِ نغٛنِ اَادِلِعٜنْ يٜىٰسٛ اَللَّه، اَمَّا تٛکُّٻٜ کٛ طُمْ وِعِ، کَمْٻٜ نٛدِّرْتٜىٰ اَادِلِعٜنْ؞

نغَمْ اٛ وَاتَنَيْ کٛو مٛيٜ کٛ فٛتِّدِ اٜ کٛ وَطِ؞

اَمَّا يِمْٻٜ غِطَنْٻٜ کٛعٜ مَٻّٜ تَنْ غَݧُٻٜ غٛونغَ تٛکِّ کٛ وٛوطَا، ٻٜ کَوْرَيْ اٜ مٛنّٜرٜ اَللَّه اٜ حَلْکٜرٜ مَاکٛ؞

اَمَّا ٻٜرْندٜ مَاطَ ندٜ شَاتُندٜ غَݧُندٜ تُوبُکِ؞ نغَمْ نٛنْ، اَ حَوْرِتَنَ حٛورٜ مَاطَ مٛنّٜرٜ اَللَّه، ݧَلْندٜ مٛنّٜرٜ مَاکٛ ندٜ اٛ وَطَتَ کِيتَ غٛونغَ؞