Popular Bible Verses from Abarooma 8

Share

Humanyire huti mu biindu byoosi bi Nasaae ahola, achiiririsaanga esilai sy'abaandu bamuheera, abo ba yalaanga ohweema hu sichiiririrwa syae.

Olwohuba manyire obwadyeeri bweene endi sibulao esiindu syoosi esinyala ohutwawuhania ohutula hu obuheeri bwa Kristo: Kata hwahaba ohufwa oba obulamu, kata bahaba bamalaika oba abatuki baandi bomu kulu oba amaani komu kulu, kata ebiindu by'esiha sino oba eby'esiha siicha, kata syahaba esyaalo sy'aakulu, oba esya aasi, sibulao esiindu syoosi mu biloonge, esichia ohunyala ohutwawuhania syaatutusa hu obuheeri bwa Nasaae bu hwanyoola ohubitira mu Kristo Yesu Omwaami weefwe.

Mu ngeri nasilala eyo, Mwooyo yesi yeecha ohutuhoonya mu bukata bweefwe. Olwohuba haba sihumanyire engeri yi huhoyere ohusabiramo; Mwooyo mweene atusabira eyiri Nasaae mu hweekanyiirisa hutanyala ohutuumbulwa mu mboosi.

Hunaboole siina hu biindu bino byoosi? Nasaae naali hu lwaande lweefwe, wiina mweene onyala ohutuyiingania?

Mani bulaanu abaandu bali mu Kristo Yesu babulaho omusaango.

Ohutukwa neende omubiri huleeta ohufwa; nae ohutukwa neende Mwooyo huleeta obulamu neende omuleembe.

Nae mu biindu bino byoosi hwamala ohuyiingira ohubitira mu oyo owatudaha!

Mbona endi, ohusaanda hweefwe hw'esiha sino, haba sihunyala ohukeraanisibwa daawe neende oluyaali lu huchia ohweekeswa.

Mani wiina onyala ohutwawuhania neende obuheeri bwa Kristo? Husaanda nihwo, oba budinyu nibwo, oba hwiitwa nihwo, oba njala niyo, oba bumanani nibwo, oba masira niko, oba hufwa nihwo?

Nae Nasaae obona mu myooyo kyeefwe, amanyire ebibaaso bya Mwooyo koti lu biri; olwohuba Mwooyo asabira abaandu bae eyiri Nasaae ohuloondekana neende ohudaha hwae.

Abo abeemererwa neende Mwooyo wa Nasaae, baana ba Nasaae.

Abo abamenya koti emibiri kyaabwe kidaha, bamalira ebibaaso byaabwe hu biindu by'omubiri. Nae abo abamenya koti lu Mwooyo adaha, bamalira ebibaaso byaabwe hu biindu bi Mwooyo adaha.

Haba saanyala ohuba Nasaae, kata otakayira hu Mwaana wae mudeerwa, nae owamuwaayo hulweefwe fweesi! Yatuberesa Omwaana wae, mani haba saaba achia ohutuberesa ebiindu byoosi bihaya byeene?

Mwooyo wa Nasaae yeyambaania hu myooyo kyeefwe, ohweekesa ati huli abaana ba Nasaae. Mani koti lu huli abaana ba Nasaae, huchia ohunyoola ehabi chiyabiihira abaandu bae, mani fwesi huchia ohunyoola alala neende Kristo, esyo si Nasaae yamubiihira. Olwohuba efwe nihukabana hu husaanda hwa Kristo, ao fwesi huchia ohukabana hu luyaali lwae.

Sakira abaandu batukwa neende obwekoombi bw'omubiri beehola abasuku ba Nasaae; olwohuba haba sibawulira amalako ka Nasaae, haandi mubwadyeeri bweene haba sibakawulira.

Ebiloonge byoosi biri neende amaofu ohubona koti lu Nasaae achia ohubwiihulira abaana bae.

Olwohuba humanyire huti, ohwoolera elalira hu biha bino, ebiloonge byoosi byekanyiirisa neende obuchuuni, koti obuchuuni bw'omuhasi olumwa n'adaha ohwiibula.