Popular Bible Verses from Abarooma 4

Share

Abburahamu haba siyaakama ohufukiirira, haandi haba siyakanakanaho hu sisuubise sya Nasaae daawe; efukiirira yae yamwiichusa amaani mani yaafumia Nasaae. Abburahamu yali yamaliirira ati bi Nasaae yasuubisa achia ohubyooseresa.

koti lu byandiiko byoolerefu biboola biti, “Ndahuhola laatang'ene baandu boosi.” Mani esisuubise esyo silai mu moni wa Nasaae yi Abburahamu yafukiiriramo; Nasaae oyo osyuuhisa abafu baaba abalamu, haandi yi hulagira hwae hutaao esiindu sitaaliwo mani syabaao.

Ebyonoono byeefwe nibyo ebyakera Yesu yaayaanwayo afwe, mani yasyuuhiswa hwaanyale ohutuhola abaluungifu neende Nasaae.

Abburahamu yafukiirira haandi yaasuubira, kata neende niyitaaliwo esifune sy'ohusuubira, mani sakira yeehola “laatang'ene abaandu boosi.” Koti lu byandiiko byoolerefu biboola biti, “Abeechuhulu bao bachia ohuba abaangi muno koti eng'ining'ini.”

Mani sakira esisuubise esyo syeema hu fukiirira, hu sisuubise sinyale ohwomiisibwa hu mbabaasi koti esiyaanwa sya Nasaae syebihaya eyiri abeechuhulu ba Abburahamu boosi, ataali eyiri abooseresa amalako ka Musa boong'ene, nae eyiri abo abafukiirira koti lu Abburahamu hale yafukiirira. Olwohuba Abburahamu niye laata yeefwe womu mwooyo weefwe fweesi

“Bali neende ehabi abo ba bibi byaabwe byaleherwamo, ba bibi byaabwe bimalwao! Ali neende ehabi omuundu oyo yi Omwaami abala ati abulaho ebyonoono daawe!”

Ebyandiiko byoolerefu biboola biti, “Abburahamu yafukiirira mu Nasaae, mani ohweema hu fukiirira yae, Nasaae yaamubala ohuba omuluungifu.”