Popular Bible Verses from Abarooma 1

Share

Ese haba sindiirwaangaho esoni kata nabudiidi hulw'Emboosi Ndai; olwohuba Emboosi Ndai yino, niyo amaani ka Nasaae akawonia abo boosi abafukiirira. Abayudaaya nibo abataangira, mani Abagiriki bosi nibaloondaho.

Olwohuba ohubitira mu Emboosi Ndai, obuluungifu bwa Nasaae bwaambwiihulirwa ohubitira muhufukiirira hwoong'ene. Koti lu byandiiko byoolerefu biboola biti, “Omuundu muluungifu yahabecheenge omulamu hulw'ohufukiirira.”

Ohutulira elalira lu syaalo syaloongerwa, efwaani yae yitaaboneha, amahuluundu mbwe, obunyala bwae butaakama neende obunasaae bwae, bibonehera bulai bweene haandi bimanyihanira mu ebyo bi yaloonga. Mani sakira abaandu abo haba sibaliho neende esiindu syoosi sibahediisa ohuhaya ohumumanya!

Abaandu bamanya Nasaae, nae bahaya ohumwiisamo oluyaali lu muhoyera, haandi haba sibamweebasa daawe. Ohumalaho, beesiruwasa, mani embaasa yaabwe yibulamo obuhoonyi yeechula esiirima.

Baleha obwadyeeri budiira hu Nasaae mani bomiirira hu bubacha; beenamira haandi baahalaabanira ebiindu bi Nasaae yaloonga mu bweyaango bw'ohwiinamira Omuloongi mweene, ohoyere ohufumisibwa endaalo choosi! Amiina.

Etima lya Nasaae lyamala lyeyekesa ohutula Muukulu hu abo boosi abatamwiisamo oluyaali neende abahola-mbi boosi, abakera obwadyeeri bwa Nasaae ni buhaya ohumanyihana hulw'ebiholwa byaabwe bibi.

Sakira Nasaae yabaleha bemeeda ohutukwa neende obwekoombi bw'esoni budoondobanu. Abahasi baabwe badoondobania mani nibahaya ebyo bi mibiri kyaabwe kyaloongerwa, nibakyehoonyerwaanga ebyo bi kitaloongerwa. Mu ngeri nasilala, abasaacha bosi baleha ohuholegana neende abahasi koti lu Nasaae yatekeha, mani bachaaka ohwekoombana abeene-na-beene. Abasaacha baholana ebiindu by'esoni, mani esitulamo beleetera abeene ohusaandisibwa huchaanakana neende ebihole byaabwe bibi. Olwohuba abaandu abo bahaya ohuta ebibaaso byaabwe hu makesi kadyeeri kadiira hu Nasaae, Nasaae yabaleha ohwemeeda mu bibaaso byaabwe bidoondobanu, mani nibahola ebiindu bibatahoyera.

Buli lu bemeeda ohwelaanga abakesi, nilwo lu bemeeda ohweekesa koti lu bataamanyire esiindu syoosi daawe; mu siha bw'ohwiinamira Nasaae otafwa, beenamira ebifwaanani biholwa byaafwaana koti abaandu bafwa, oba amayoni, oba ebisolo, oba ebisolo byambaaka.