Popular Bible Verses from Mariko 1

Share

Nae nibwahya, mu mabwiibwi, Yesu yasiingira yaatula mu nyuumba omwo, yaachia abuundu abula abaandu, mani yaaba eyo yeeng'ene naalaama.

n'aboola ati, “Ebiha byoolere, haandi Obwaami bwa Nasaae buli aambi; mwefunake, mufukiirire Emboosi Ndai cha Nasaae.”

Nae Yesu niyatula sa ati mu maachi, yabona Ekulu nilikuuhe, mani Mwooyo wa Nasaae yaamwiihaho nafwaanana koti eguugu. Ekono lyatula Muukulu niliboola liti, “Niiwe Omwaana waange muheerwa muno; niiwe ohiramo ohusaangaasa.”

Ese mbabatiisa neende amaachi; nae oyo achia ohubabatiisa neende Mwooyo Mwoolerefu.”

Yesu mani yababoolera ati, “Munoonde, njia ohubahola mube abanaabi b'abaandu.” Mani abweene-na-bweene ao, baleha enjero chaabwe baamuloonda.

Nae abaandu, besiinduhira muno enjekesa yae, olwohuba haba siyali koti eya abeekesa b'Amalako; nae yeekesa koti omuundu oli neende obunyala.