Popular Bible Verses from Esekeeli 3

Share

Nimboolera omuhola-mbi endi, ‘Mubwadyeeri bweene ochia ohufwa,’ mani n'ohaya ohumulabula, noomba waahaya ohumulabula yaatula hu bibi byae, mani yawonia obulamu bwae, omuhola-mbi oyo achia ohufwiira mu bibi byae. Nae mba njia ohuhutaaho omusaango kw'ohufwa hwae.

Nae noolabula omuhola-mbi, naahaya ohutula hu bibi byae, oba hu biholwa byae bibi, omuhola-mbi oyo achia ohufwiira mu bibi byae; nae ewe ochia ohuwonia obulamu bwao.

“Ewe omwaana w'omuundu, huholere omuliindi w'abaandu b'esyaalo sya Yisiraeli. Buli lu onawulireenge emboosi yaange, ochia ohubeekesaanga bi mboola n'obalabula.

Haandi niwiichuhana omuundu muluungifu yaatula mu buluungifu bwae mani yonoona, syesi mba njia ohumuleha mu bidinyu ebyo mani akwe, achia ohufwa. Nae olwohuba haba siwamulabula, achia ohufwa olwohuba ebyonoono byae, mani ebiholwa byae bilai bi yahola haba sibiba byahechuliswe daawe. Nae omusaango kw'ohufwa hwae, mba ndahakute hu ewe.