Popular Bible Verses from Danieli 2

Share

n'aboola ati: “Eliita lya Nasaae likiniswe endaalo choosi, olwohuba mukesi haandi w'amaani. Niye okaluuhania ebiha neende endaalo; niye otusaho abatuki haandi niye otaao abatuki; niye oberesa abakesi amakesi neende ohumanya eyiri abo abamanyire.” Niye obwiihula eby'engiso neende eby'amayia; amanyire ebiri mu siirima, haandi obulafu bwamwebodoohania.

Mani Danieli n'akobolamo ati: “Ewe omutuki, esy'engiso sy'osabire, abulao omukeraki w'amakesi onyala ohusihuboolera, oba abalakusi, oba ab'amayia, oba abahiingi, oba abasomera eby'eng'iniing'ini.” Nae yiluwo Nasaae oli muukulu, obwiihula eby'engiso. Mani niye ohwekeese, ewe Omutuki Nebukadineesa, ebiindu bichia ohukwaao mu ndaalo chichiaayo. Esilooto syao, neende bi waboneherwa niweyaliise nibyo bino

Mani mu ndaalo ch'abatuki, Nasaae wo muukulu yahateeo obutuki butahasihiriswe daawe; haandi obutahayiingirwe neende abaandu baandi daawe. Bwahafunake-funake mani bunyoonyobole obutuki buno bwoosi mani nibusihirisa obutuki buundi bwoosi. Mani obutuki obwo bwahayiindire endaalo choosi.