Popular Bible Verses from Loma 4

Share

Tana akman sang am ji na haywan o kararalay na ni Ama ta do to. Ta ikowyowyat na meyhanhan ni Ama ta do to a omazwazway sya. Anoyngan na si Ama ta do to a mangononong do mina ciring na jya.

Ta maniring do Seysyo am, “Ko abneken imo a ama da no tao do peycyamahamahatawan na.” So ipangononong na no ciring ni Ama ta do to. Ta o na anoyngan ni Apolahan a Tao do to am yamapeyvangon so nimawakwak a tao a nimangamamaog so karawan.

Nimawakwak si Yeso no raraten ta a kapirwa na rana mavyay. So ikanoyong ta na ipanci ni Ama ta do to abo so raraten do tangain na.

Tana katenngan na o katey masalit na no keyyan no minapodpod jya do kararakeh na rana am na anoyngan o kapangononong na no mina ciring na jya ni Ama ta do to. Ta maniring si Ama ta do to jya am, “Somaod ka so sivosivovoong.”

O mina ciring na ni Ama ta do to so meyhanhan nya tao am to na palololwa do kapeyhanhan da nya. So ji na monganai do kapya no icicirawat ta. Ta o aryarilaw na ni Ama ta do to jyaten a sivosivovoong na ni Apolahan am ori o nipanci na a itoro na jyaten ni Ama ta do to. So ji ta mangozai do iwawalam na ni Moyse. Ta macyangay ta ji Apolahan a omanoyong ji Ama ta do to. Ta iya rana am akma tey ama a yameyhanhan ni Ama ta do to.

“O nivonas na rana so raraten ni Ama ta do to a tao am manoyong sira tey yapya o akman sang a tao. O ji na rana naknakma ni Ama ta do to so raraten a tao am tey yapya o akman sang a tao.”

Ta maniring do Seysyo am, “Na anoyngan si Ama ta do to ni Apolahan. Ori nibnekan na sya ni Ama ta do to do a abo so raraten do tangain na.”