Popular Bible Verses from 2 Kedinto 1

Share

Isaray tamo ji Ama na ni Yeso Kizisto a Panirsirngen ta. Ta iya rana am yamanoyong a yamarilaw nyaten a yana yapwan no makakaday a mapasaray so tao. Na sidongen yamen do aro a alalaw namen. So ikanoyong namen a mangozay do pangangarilawan na a marilaw no makasazi so makakaday a alalaw da tao.

Tana arako alalaw a mai jyamen do kahap namen so vazay ni Kizisto am cyaha, ta ikarakorako no sidongan na jyamen ni Kizisto.

O nakenakem namen rana do onowned namen am to namen anoyngi o kawakwak namen. O peypeypangayan no nang am ipakateneng namen do kaji namen meyhanhanan no kataotao namen. Ta si Ama ta do to o ipeyhanhan namen a mamyay so nimawakwak a tao.

O yamapait jyamen a ka ninyo a yakomdeng so nakem ji Yeso am si Ama ta do to. Nipamnekan na yaten a lamlamsoy na. So na nitorwan nya jyaten so Seyzi a omoyat do onowned ta. O Seyzi rana am tovil no kanoyong ta a monganay jya tao. Ta o Seyzi rana am akma ney yongkad no makakaday a omanam a itoro na jyaten ni Ama ta do to.

No makasazi namen so alalaw am cyaha, ta ipeypapya nyo. Ta no sidongen na yamen ni Ama ta do to am akman namen sang a somidong jinyo a mapait jinyo, kapeypakdeng nyo rana so nakenakem a akman jyamen a to nazibo no alalaw.