Popular Bible Verses from 1 Kedinto 5

Share

O peypeypangayan no ciring ko am ji macihza do mapasagpyan so nakenakem na, mangamkam, manaralay so malas a iraralay, mangangavain, masakisakin a kano manakaw a ji mamlis so nakenakem a sinjya. So ikanoyong no kaji nyo macihzan jira a ji macihanghang jira.

So pakarwan nyo so kosozi no odong a mapeyraraten jinyo, ta ori o ikanownaw no onowned nyo a nimavonas rana so raraten. Ta nimawakwak si Yeso Kizisto a yanimalit so raraten ta, akmey kagling a wakwaken da no tao do Yotay. So nipatastasan na sira no tinsi a jya nimwakwak so kabnekan da no yanan no rala no kagling a vahay.

Ji ta zyakan sira o ji manaralay a tao, ta si Ama ta do to o mapacici sira. Am o manaralay a tao am jyabo kaji ta mapatwawan so raraten da. Ta maniring do Seysyo am, “Pasyain nyo jinyo o meyraraten a tao.”