Popular Bible Verses from 1 Kedinto 14

Share

Ta o yaomoyat jira Tao do to am beken a yamapeyzavozavoz so vazay. Ta na twatontonen o vazay na. O iwawalam do peycyakyokyokayan na am

Am ori o ikakdekdeng nyo pa mangarilaw so icyatatao nyo. Akman sang, ta ikakza nyo o teneteneng a kano oyowyat a itoro na jinyo no Seyzi. Am ney makdeng na am mangononong so ciriciring na ni Ama ta do to.

Am o mangononong so ciriciring na ni Ama ta do to am tao o nanawen na. Ta isidong na sira, ipait na sira, ipasaray na so onowned da no amyan so alalaw da.

O manci no macitarek a ciring am kataotao na o masidong na. O mangononong so ciriciring na ni Ama ta do to a tao am masidong na o tao do kyokay.

No nyo tey kakza o teneteneng a kano oyowyat apo do Seyzi am naknakmen nyo o kakza nyo no makasidong so nakenakem da ji Ama ta do to no akma nyoy kakteh do cinai.