Popular Bible Verses from 1 Kedinto 1

Share

Am nipamnekan na ni Ama ta do to o ipangoyongoyod da a jyateteneng a tao do karawan, mangay na ipeyleylak so mapahama so nakem a tao do karawan.

O ipeylimwang a jyojika ni Yeso Kizisto am abo o peypeypangayan na do ji manganoyong a tao. Am yaten a na patazadangen do teyngato ni Ama ta do to am tey rako ori a oyowyat na ni Ama ta do to.

Ta o todalapit a teneng ni Ama ta do to am maharahara pa kano teneteneng no tao. O alikey a oyowyat ni Ama ta do to am rakorako pa kano rako a oyowyat no tao.

Abo kalalasan na ni Ama ta do to a nimamnek jinyo a meyhanhan nya. So ikanoyong nyo rana macikaop do Anak na si Yeso Kizisto a Panirsirngen ta.

Manga kakteh, ko vavagan inyo no ngaran ni Yeso Kizisto a Panirsirngen ta akmey asa so ciriciring a ji meykataretarek so nakenakem a malwalovot, akmey asa so onowned, akmey asa so pangozayan.

No akman sang am wanjin o teneteneng da no mateneng a tao. Wanjin o teneng da no aro so nivilangan a tao. Wanjin sira o makey a macinekanekad a tao do karawan. So na nipeyolyan sya ni Ama ta do to so teneteneng no tao do karawan abo so angangayan.